午聚

八個女人, 可以在weekday相約吃一個午餐, 不是易事.

一年才一兩次吧了. 所以我本來揀了$245(3-course lunch set)只有一人否議.

最後都是因為有人要趕回公司開會, 訂了最初揀選的地方. 參與的連我有六位, 還有一個小朋友.

怱怱個多小時, 又吃又傾談, 時間太短了.

總結這個多小時:

1. 有人昨晚工作至十二時多, 只睡了四小時. 真慘. 高官的路不易走.

2. 有人身穿party look, 又紫又黑. 果然是大小姐格!

3. 有人說公司cut budget, 有排唔洗出trip.

4. 有人連一天day off也要幫手湊仔. 偉大的姑媽.

5. 有人出trip幫我買了澳洲來的Becca liquid foundation(澳洲買平百幾呀!), thank you!

6. 我就送出星記贈送的Frappuccino七樽. (26樽送出7樽, 算唔話得啦! :) )

7. 十月三位生日之星都在場, 有人終於說這回可以不吃中菜. 就由三位小姐揸主意吧. (不過生日幾位都要就人地... 有人說: 唉, 生日慶祝都要睇人地幾時生仔, 你話咩道理?!)

8. 有人工作太勞累. 我提議她要透透, 吃一頓豐富的. 於是暫定下星期去吃high tea, yeah! 吃, 永遠都是對的!!!!!

9. 工作勞苦那位說, 原定的酒店$245 lunch set頗吸引, 有興趣去試. 不如就下次啦!

10. 然後有人說其實某酒店的中菜飲茶好正, 什麼魚翅餃要$98一件, wow!!! 又搵日去食啦不如!

11. 我提議九月租船出海, 因某信用卡有折... 無乜人睬我... :(

一堆女人, 尤其是越來越不年輕的, 坐埋一齊就係可以講不完! :)

一點對話...

大家閨秀: 哈, 我睇到你篇嘢(昨天那篇啦)笑到死! 我都知佢(保險界女強人)會留言!

保險界女強人: 哼, 我忍咗好多鑊啦, 次次都擺我上枱! (笑笑口講架吓)

我: 佢幾叻呀, 唔識打中文都識copy and paste佢個"名"上去然後打英文留言! hahaha!

另外有人竟然話要俾我睇睇北京個地鐵圖: 等你知道, 唔係得日本係咁, 咁多樓梯要行... (黐線架!!!! 好彩有人撐我啫!)

漏咗一樣嘢呀... 話說有人有兩張何XX王XX演唱會飛... 問有無人要... 得一位攞: 你地有無人陪我去? XX(佢男友)唔會有興趣...

我地係無一位有興趣.

我話: 聽晚呀? 我寧願返屋企透透...

你話宜家做歌星幾慘, 免費飛都迫唔到我地入場...