無題

1. 點解仲唔瞓? 因為星期五囉. 因為已經超過廿四小時未更新呢度囉. 因為驚聽日有人上嚟無嘢睇囉. 寫咗快三年都仲有呢鋪癮都算係咁.

2. 奧運開幕式無睇直播, 夜晚返到屋企十點幾先睇. 好彩之後有重播. 好正.

3. 屋企有時可以乜嘢食物都無, 有時又好多嘢食. 有時無聊會諗, 如果有乜突發事又或被禁錮(邊個禁錮我咁無聊?!), 十幾日會唔會餓死呢? 宜家屋企有: 蕉仔一大堆, cereal一大盒, 牛奶一大盒, 雞蛋數隻, 出前一丁幾包, 未過期罐頭幾罐, 生果數個, 麵包幾片, 啤酒幾罐, 維他檸檬茶幾盒, 麥皮一大包, 餅乾一大盒, 麥維他消化餅一條, 嘩, 都可以唔洗餓死...

4. 透咗一輪, 今個星期跳咗三日舞. 腰又痛啦. 不過點解都仲係肥嘅? 又話節食?!

5. 呢個八月, 一個InDPanda一個Summer IFF, 我又有七場戲睇啦! Yeah!

6. 十多年前認識嘅好友今日終於入咗facebook, wall to wall嗲咗好多句, 下星期會食餐飯, 真好.

7. 千奇唔好俾ATM食卡呀, 一食就可以攪三個多星期架! 我上個月十七號被食卡, 攪到今日先可以用新密碼, 死唔死! 永世難忘!

8. sidebar上加多咗個google reader shared items, 得閒click吓啦, 好多正links架.