無大無細

兩個甥女在做暑期作業.

我: 仲有好多咩? 幾時做完?

小甥女展示還有數十頁未完成, 另外還有三本也未完成.

我: 吓? 宜家八月幾呀? 就開學啦喎! 仲有咁多? 我呀, 七月就會做哂, 八月淨係玩架咋(其實我都唔多記得... 不過的確我當年係唔會到八月中仲有咁多暑期作業未做好囉)

大甥女: 咁快做哂, 開學就咩都唔記得哂架啦!

我: 點會架, 九月就咩都返哂嚟啦!

大甥女: 唔怪得你成績咁差啦...

我: 我成績差?! 你有無問婆婆我考咗幾多年第一?! (其實兩年啫... 三名內就好幾年... ) 我三年班時英文全級第一攞獎架!

大甥女: 小學啫... (呢個lang妹吖!)

我: 你媽媽中學咪同我一樣成績咁差! (其實都唔係好差啫... 頂... )

另, 上星期...

大甥女: 你又去睇戲呀? 又係自己去?

我: 係呀

大甥女: 嘥錢! 咁無聊... 搵朋友陪吖嘛...

我: 唔係個個朋友都睇嗰啲戲架... (頂... )

好彩俾我有機會"補飛"... 事源佢媽媽今晚唔得閒睇某show, 叫母親(孩子婆婆)和孫女們去看. 上星期五好像又是浪費了數張門票...

我: 點解你媽媽成日買完飛又去唔到架?

大甥女: 係啦, 佢成日以為daddy好得閒...

我: 上星期五又係噃... 奧運開幕嗰日你地本來買咗飛後尾做咩又去唔到... 啲飛點呀? 俾咗人?

大甥女點點頭...

我: 咁你媽媽咪仲嘥錢! 你話你媽媽嘥錢啦, XX姨姨從來唔會嘥飛架, 我一定去到先買架!

haha! :)