Facebook上兩個中學同學tag我寫十六樣... 都無寫... blog友tag我反而可以嘗試... :)
1. 其實我諗應該寫唔出廿五樣...
2. 決定短期內唔做facial, 將啲錢拎去按摩同做foot treatment好過.
3. 想整頭髮, 不過數月前, 兩次整咗好多錢, 唔想再嘥咁多, 或者又搵番上次隨意喺中環一間平平地算... 膽粗粗博一博.
4. 原來一講女人嘢又可以有排講.
5. 我好鍾意聽甜言蜜語. 尤其是多年好友嘅. 好友上星期一個電郵上一句, 冧足一日.
6. 我阿媽覺得我癲癲地. 我諗佢其實有少少擔心. :)
7. 嘩, 廿五樣, 點攪.
8. 網友PK_ (大家仲記得佢嘛?) 送我王若琳靚歌, 多謝. 都想搵日寫寫. 不過新嗰啲未聽哂. 上一隻, 都係最鍾意"True". 新碟好似無上一隻咁正. 佢把聲好似三十幾歲嘅鬼婆咁. 不過只有廿歲.
9. Moov其實送咗兩個月試聽俾我... 不過login過一次, 乜都無聽過. 我應承會再試聽. 就快deadline喇, 我想點?
10. 點解寫寫吓好似唔係寫自己?
11. 我唔鍾意我啲手指腳趾. 亦唔鍾意兩條腿. 其實我成身好多度都唔滿意.
12. 我啲頭髮好惡攪. 人地話, 頭髮反映個人性格. 麻煩人也.
13. 我信主. 雖然懶返教會. 但依然相信神.
14. 我無睇聖經... 都好多個月...
15. 祈禱... 都仲有.
16. 我嘅包容力量之勁, 身邊好多人都唔相信.
17. 如果忍到唔打的返工, 一個月可以慳到$800以上.
18. 如果一個月忍到唔跳舞, 可以慳到$... , 不過好慘啫...
19. 我想話你知, 我隻pet今日用$500(game裡嘅錢)抽到盞好靚嘅吊燈! :)
20. 我中學曾經係泳隊, 不過從未代表學校出賽. 小學就差少少入到體育組, 因為當年(10歲)跑得夠快.
21. 我只懂蛙式. 阿媽教. 小二開始識游水.
22. 我唔識打麻雀.
23. 我最鍾意嘅board game係scrabbles, pictionary同大富翁.
24. 我十五歲擁有第一隻及唯一一隻Barbie. 椰菜娃娃就好似中一. 小時候大部份公仔都係老豆送.
25. 佢送俾我嘅公仔, 到宜家都未丟過. 搵日影啲相你地睇.
(數月前玩過六件事同three things meme)
20 comments:
i love pictionary!!!
lu: yay! :)
真係估唔到你係泳隊隊員，以為你一點也不sporty(跳舞不算sport)。
uncle ray: 跳舞同足球一樣咁需要體力架(睇睇... ) 球類我就全部都唔多掂. :)
thank you so much!!!!!!!!!
我都係facebook俾人tag嘅受害者嚟嘅 :(
原來你都唔識打麻雀架?! :D
CR: u r welcome :) 學極都唔識. :P
其實我都唔明點解d女人可以打麻雀打通宵，佢哋唔覺得好無聊咖咩....如果係我，我寧願睇多幾套戲好過!!!
kari: 我都唔明, 因為從未打過. :)
但係我有打過呀...不過真係學極都唔識...所以成日比以前d同事搵笨，輸錢.......
kari: 三姊妹一齊跟阿媽學, 我係學極都唔識, 放棄. :)
甜言蜜語我都鍾意，但出自異性的口似乎好D :P
打的返工？你住邊？
teddy: :)
readandeat: 港島囉, 唔遠. :) 平過NYC打的好多.
哈哈!!!呢d咁嘅無聊嘢駛咩識喎，比我都寧願學跳舞唔學打麻雀la!!!
kari: :) 不過人地話老咗唔怕老人癡呆 ;)
王若琳好聽，近期少有，想不到她那麼年輕~!
nonsense!!!大把嘢可以做la，打牌都得咖嘛，唔一定要麻雀!!!我真係唔prefer麻雀lor，真係超無聊!!!我係唔悶到瞓直都唔會打!!!
maki: 係呀, 廿歲可以有咁嘅聲.
kari: 打牌唔係等於打麻雀咩??? :)
唔係，我係指playing cards呀.......
kari: i see.
Post a Comment