電影節開始了兩個多星期, 今天終於看了一半的電影, i.e.十一齣, 還有十一齣(本來只有廿齣, 終於拿到兩張complimentary tickets之後, 又多看兩齣!), 說不累是騙人的.上星期日因遲了起床又遇上Rugby Seven大塞車, 錯過了一場的頭廿多分鐘, 十分沮喪. 但那天幸遇友善的士司機, 聽到我說要"禁"錢也沒有發怒, 還十分體諒離開的士走到拿了錢的我跟前, 預備好找續, 好叫我不用走太遠.
上星期不知何故開始喉嚨不適, 那時天氣還未忽然轉冷, 隨之而來當然是傷風和疲累. 喝了兩次感冒茶, 一次盒仔茶, 一次康鈣C, 一次幸福傷風素, 情況好轉, 整個星期都無需告病假, 又依然晚晚夜瞓, 天天咖啡照喝.
本來還可以, 昨天晚上沒有電影看下班還去上跳舞課. 怎知今天和家人上山頂吃午餐兼走走之後, 下午便開始頭痛, 但晚上6:00還有一場145分鐘的電影在九龍那邊呢! 沒時間趕回家透透, 唯有跑去星記坐一小時, 又再喝喝咖啡... 幸而電影好看到極, 頭痛也忘了. 之後再去屈記買panadol頂住.
影後感還是想寫的, 不寫便會忘記. 寫了九篇, 還有兩篇未寫, 十一齣未看. 這種馬拉松式的看電影不知道還有多少年可以繼續, 三張幾野, 你都咪話唔攰!
中午和家人又再去Bubba Gump吃午餐, 是慶祝兩姨母的生日, 上次和母親去過也在這兒介紹過, 這回不寫了. 我們還去了Madame Tussauds看蠟像. 英國(倫敦)和美國(紐約)的我都去過了, 香港這個反而未去過, 想地方少一定沒有太多蠟像看了. 這回我們人多, 湊湊熱鬧, 吃過午飯去看還沒有太多人, 原來香港這個也有不少蠟像, 足足放了三層. 來回纜車連蠟像館入場費大人$130, 小童及老人家$80, 頗化算. 其他蠟像館都見過的不放上來了, 下面這幾張值得分享分享:
基仔勁似, 是所有香港名人當中最似的一個(昨天正式放在這兒的)
有點像走進"大酒店"的感覺(數十個白色花牌!), 有點心寒
15 comments:
MD, 真的要保重啊！不舒服的時候還喝那麼多咖啡，傷呢！還是休息最重要。
是因為娜姐鐘意千嬅,
or she looks like 千嬅?
我係喜歡千嬅，鍾意佢唔理人話佢喪笑嘅姓格，鍾意佢烈女，鍾佢唱歌有sense，k就k到尾。
仲有我把聲真係有少少似千嬅（以前學生說的，他們說過了咪的有8成似），不過我是不會瘋到要去拍臘像的... 我又多一個姓了... ;P
"這個post上來送給網友Aulina的!
(基本上如不是歐小姐, 我是絕不會拍這幅!)"
呀哈哈哈哈哈~~~~ 妳哋真係好好感情呀!!!! 好姊妹呀 ha! 哈哈!
但典解唔見妳影張梁朝偉畀我呀?
"但那天幸遇友善的士司機, 聽到我說要"禁"錢也沒有發怒, 還十分體諒離開的士走到拿了錢的我跟前, 預備好找續, 好叫我不用走太遠."
香港, hmmmm, 還是有些溫暖的~
"整個星期都無需告病假, 又依然晚晚夜瞓, 天天咖啡照喝.
本來還可以, 昨天晚上沒有電影看下班還去上跳舞課. 怎知今天和家人上山頂吃午餐兼走走之後, 下午便開始頭痛, 但晚上6:00還有一場145分鐘的電影在九龍那邊呢! 沒時間趕回家透透, 唯有跑去星記坐一小時, 又再喝喝咖啡... 幸而電影好看到極, 頭痛也忘了. 之後再去屈記買panadol頂住."
.... 妳都幾壯~
三:
"仲有我把聲真係有少少似千嬅"
-__________-"
好彩 Cat King 把聲似我唧! ;)
你自己話之嘛... X___X
xiao zhu: thank you. will take good care of myself... coffee + one film + dance today... :)
uncle ray: 佢響佢個blog度捍衛過吓千化咁囉... 但我同LDD就勁踩... ;P
aulina: 哈, 個蠟像整靚左佢好多好多. 佢本身得2分, 個wax work有7.5分! :P
LDD: 邊度有梁朝偉啫. cat king, elvis presley吓嘛? 以為你話nat king cole...
"uncle ray: 佢響佢個blog度捍衛過吓千化咁囉... 但我同LDD就勁踩... ;P"
Heee heee heeee! XD
"cat king, elvis presley吓嘛?"
係嘞!
"邊度有梁朝偉啫."
!!!! 唉, 有喪笑但竟然冇電眼?! 冇天理!
LDD: 我都覺得幾無天理, 有容祖兒, 有Twins, 無張學友, 無譚詠麟, 無林子祥, 無汪阿姐無肥肥! 荒謬! 仲有D導演呢! 吳宇森, 王家衛, 去哂邊??? 張曼玉都未有呀, 低能既!
而且, 我四年前去過一次, oD蠟像做得麻麻地似唧!
鬼佬鬼識做中國人... 總舵專做鬼佬靚好多。
Hey, wish you enjoy the remaining films happily and healthily. ^^
LDD: 有D真係嘛嘛.
aulina: 但係有D鬼佬都造得唔似. Brad Pitt同Kylie Minogue個樣好怪, 同埋原來KM得五尺左右!
carrie: thank you! i will!
天氣時冷時熱，小心身體！個日我係大會堂睇戲，等第二套開場期間，在外面行來行去，真係越行越凍。
我想趕戲不一定關年紀事，要睇下你有冇家庭負擔同埋對電影的興趣嘅。(說起來，你全是一個人去看嗎？)我自問冇你咁犀利，一日看三套，真係坐到屁股都痛。
happy prince: 今年真係全部自己睇咁滯, 今日三場, 第二&三場有幾度差D瞓著, 真係好攰呀!!!!! 你都要小心身體呀.
Post a Comment