Pages

Wednesday, April 25, 2007

縱壞哂

現今家庭有小朋友的, 大都一個起, 兩個止, 做父母的都比上一代的寵孩子, 連以前不寵壞孩子的祖父母(我們的父母)也寵壞孫兒, 都說"子女自己教, 孫兒是要來寵的".

現在的孩子, 都慣了每做好一件事情或完成一件大人要求的行為都必然有獎賞. 因為父母都習慣送這個獎那個給他們. 大姊, 對不起, 爆少少你的"寵女兒行為"... 我的大姊教小孩子很有自己的一套, 有時也是個惡媽媽. 不過有時她對女兒們的"厚待"連我和二姊也看不過眼... 例如一考完試便帶她們去玩, 不是海洋公園便是去吃大餐... 只是考試吧. 然後她解釋: "我都好辛苦架大佬, 我都要玩呀!" 她的女兒們十分幸福, 相信她們去海洋公園應該有三十多次, 迪士尼大大話話也四五次. Tamagotchi每人兩個, Barbie成屋十幾隻, 近來還有個Barbie泳池(抑或小孩可用的迷你泳池?), 好像連她老公也罵起來... 她們吃壽司吃大餐分分鐘比我多. 總之, 每有機會獎賞她們, 我大姊都做到一百分.

記得小時候家境普通, 父母都不常買玩具或新衣給我們. 小時有數年讀得很不錯, 考過幾年第一名, 又試過全級什麼什麼英文獎, 母親都會送禮物給我的, 不過只是考試完畢或聽話等小事便沒有任何獎勵了.

各位父母緊記, 太多獎賞, 當孩子們都認為是理所當然時便不好了. 他們會覺得每做好或完成一件事都應該有獎勵/獎賞, 他日長大了, 才發現原來世界並非如是. 孩子應學習完成一件事本身已是一件獎勵.

啟發原文: Bribing Children (by Martha Irvine)

13 comments:

aulina said...

拍手呀!哈哈!我兩件好少有野獎架... 佢地最多都係黐我機打架咋.. XD

我有時特登開啲講人地細路連食都食唔飽果種節目俾佢地一齊睇,一黎等佢地明白幸福非必然,二嚟大條道理講明,做得好應份架,獎乜呀獎,呀媽冇$$呀.. KEEEEE!!

Anonymous said...

"佢地最多都係黐我機打架咋" 笑死. 我同我二姊成日都有提起你同fb, 我二姊好鍾意打機, 佢都話, D細路實開心啦, 個阿媽咁鍾意打機. :)

admin said...

自問小時都算被縱得多,讀書唔駛用好多努力就可以得到奬賞 (我懷疑係阿媽都想玩那件玩具,所以用我來做買野o既藉口...),而家大個,好同意「完成一件事本身已是一件獎勵」,但可能要出來做事才會明白!

mad dog said...

maki: 你係唔係獨女?

Anonymous said...

我呀叔每次叫個孫kiss佢就醒$20, 個細路大左不光往$$才怪.

有些人就是不懂教小朋友(包括自己), 弄得一些小孩愈來愈壞.

Anonymous said...

uncle ray: 你阿叔都幾癲喎...

Anonymous said...

uncle ray:哈哈,我都中意叫我侄仔(5嵗)錫我!但唔會醒錢卑巨,最多請巨食野~
mad dog:身為父母,教子女一定很頭痛了,你幾時要感受下啊?
呢排真係好少見LDD哦~

愛美 said...

教小朋友的中間線真的很難拿準.
太缺乏又怕他起貪念
太滿足又怕他沒有上進心

Anonymous said...

愛美: 有咩心得?

admin said...

maddog:好明顯:)

Anonymous said...

maki: 唔怪得啦. 我地細個, 想要野都唔敢問架.

Anonymous said...

而家d細路幸福到爆,要乜有乜,比遲d咋,d眼淚就要閃出黎,嚇鬼死﹗
有次同家姐去食野,見對父母狂用買玩具呢招利誘個細路,喂,叫佢食野喎.....天呀﹗肚餓就自然食架啦﹗我同家姐睇到火滾,真係咩世界呀...幾多人無野食...
我細個好乖,過時過節都有禮物,都係文具,裙仔之類,大個d就反而會用零用錢/出糧請家姐+屋企人食野,因為我好為食,所以,縱壞個胃就有我份。

Anonymous said...

啤啤熊: 咁你又真係幾乖喎.