Pages

Thursday, April 19, 2007

Venilla Suite


記得上個月在這裡貼了幾張相嗎? 上面這間原本是頗實惠的餐廳搬了, 之後是這間名為Venilla Suite的店子.

昨晚跳舞課後, 差不多十時了, 連卡佛也關了門, 很想買雙黑色皮鞋上班, 還要買Clarins的serum, 幸而九時多十時的銅鑼灣依然可以滿足我這兩個心願.

在"老屈"發現Clarins counter, 邊買邊被身邊的國內同胞貼身(真的貼著我)不停地問Clarins的產品, 如價錢屬於貴的還是中價, 質素如何, 又看看我的臉龐, 說: "你都是用這個嗎?" "這裡賣的都是正牌嗎?... 你買的是什麼... " 阿姐昨晚心情OK, 一一回答, Clarins counter的化妝小姐十分感激我. 我走時, 這個內地顧客和她的男性友人看似準備大採購一番.

之後走到白沙道, 原來那餐廳變了一間名為Venilla Suite的鞋店, 店子裝修不俗, 鞋子都放在玻璃櫃裡, 有些還放在旋轉架上, 舖的中央鋪了黑色地毯, 有點高雅. 男店員開始介紹店子的由來, 原來是I.T.屬下新的一絛line. 說I.T. card有折, 可惜我沒有.


鞋子價錢都很實惠, $600-$1500左右, 當然沒有連卡佛的西班牙, 意大利等的質素, 但勝在夠便宜, 應該都是本地造(更大可能是內地), 買來上班粗著應該不錯.

買了$699的漆皮兩寸鞋.


一向穿37.5號, 但這裡沒有半號, 唯有穿37, 還可以.

今天沒有下雨便穿了上班. 雖然今天沒有走太多的路, 但暫時都沒有弄傷腳, 感覺OK. 上班一族又多一選擇. (沒有男裝鞋, 對不起!)

23 comments:

aulina said...

我都係37號呀... 不過我係著鬆嘅,同埋尖頭一定唔得,所以唔係成日買到鞋

Anonymous said...

我都有去睇過呢間,d款一般,仲有d普通,間野想走中/高路線,不過,一般粗著都ok既.
上星期去左連卡佛買左對新鞋,好開心,家陣著緊啦...
我買鞋好奄尖,要料好,款好,因怕整傷對腳,所以對對都好鍾意...有d珍藏架.

mad dog said...

有D牌子我有時要著38. 37比較少. 琴晚試時38超鬆, 店員叫我用pad, 但好煩... 諗左一輪都係買37. 今日無行到起水泡, 應該OK. 尖頭鞋著得個人修長D嘛, 返工通常都著尖頭鞋.

Anonymous said...

我都係著37/37.5號,有d要著38架,睇下係乜...

mad dog said...

啤啤熊: 有時返工著D平平地一季丟一對都抵架.

mad dog said...

喂, 咁我地三個一樣size喎.

Anonymous said...

"喂, 咁我地三個一樣size喎. "--->係喎,我5呎3/4左右,105lbs...其實成日想高d就好,所以,勁鍾意著高跟鞋,拉長d個人﹗

mad dog said...

啤: 我5'4/5'5左右, 磅數就唔響度講啦, 最瘦時都試過106 lbs既, 但果陣瘦到似厭食囉... 宜家想減6 lbs啦. 返工著兩寸鞋最舒服, 三寸就除非果日唔洗點走動.

Anonymous said...

弊,我做乜講埋自己幾重,short左...
喂,你地呢排有無減磅?
mad dog,你呢輪好似無post食左乜既? 無同老公去飲飲食食咩? 呀,電影節忙得滯?

Anonymous said...

啤啤熊: 果然日日捧場喎! 有, 發現左新地方, 仲影埋相添, 點知大少話唔鍾意我成日響度透露行蹤, 又俾哂人知食過D乜, 唔俾我寫呀, censorship, 死未! :) 另外平日成日去開果D佢就更加唔想俾人知, 懶有私隱咁, 咁我咪唔鬼講囉... 不如你開番/update番你個blog, 寫吓你同Mr. Right食過D乜啦!

Anonymous said...

呀, 另外, 我仍然處於節食狀態架永遠... 依然想減6-8 lbs囉...

Anonymous said...

下? 咁專制架﹗有新地方又唔比講? 嘩.........(唔好意思,我直話直說)
不過,可能你另一半想淨係同你兩個人去,特別d呱...(即刻補鑊先,咪一陣得罪人-你老公,唔比我留言就弊)
開blog?我仲心大心細,又驚三分鐘熱度,同埋我家陣全情投入拍拖,好鬼忙...

Anonymous said...

我估你都係110lbs左右,唔會多過115lbs,6-8lbs? 應該3/4個月drop就ok! 唔好一下子太快,有紋架.....

Anonymous said...

"啤啤熊: 果然日日捧場喎!"-------->你以為我吹水?? 我都有睇柯蓮娜同巔巔的,咪陣間才子巔投訴我,又玩小器...

mad dog said...

佢係幾專制吓架... 就吓佢囉...
喂, 快D寫番個blog啦, 等我地可以上黎吹水嘛, 好有意思架, 尤其是你呢段戀情啱啱開始, 個blog好有睇頭!!! :)

aulina said...

三個一樣size,爭少少啦,我最矮又最重嘛... ;P

Anonymous said...

aulina: 我講腳size嘛. :P

Carrie said...

峰壽司條街?咁即係執左Cafe 21??

Anonymous said...

carrie: 係cafe eos搬左.

Carrie said...

oh...我好鍾意Cafe EOs架...搬去邊呀?

Anonymous said...

carrie: 我唔記得幢大廈名... mtm spa果度呢... 好似係national mutual/manulife... 農甫後面.

Anonymous said...

haha, I am looking around for a pair of black shoes for work these days too!

Anonymous said...

echo: any good ones in melbourne?