Pages

Thursday, February 15, 2007

第十一個年頭


昨晚是我們倆第十一個年頭一起去維園逛年宵, 一如往年, 他很喜歡去湊熱鬧, 每年都要逛不只一次. 適逢情人節是年廿七, 維園自週一(年廿五)已開始有年宵逛, 昨晚十分熱鬧, 一度有水洩不通情況出現, 氣氛不錯啊.

乾濕貨也有逛, 乾貨那邊最多的都是吹氣公仔, 許多豬年綽頭玩意, 但也有不少無理頭和農曆年無關痛癢的公仔, 如安全島上的黃色小塔, 消防水喉, 滅火筒, 集體回憶的天星碼頭鐘樓, Sudoku廁紙, 還有巨型珍寶珠, 卡樂B薯片, 五代同堂公仔, 一袋米等等, 都十分"過癮". 當然有關豬的多的是, 豬手, 豬錢罌, 林林總總.

這兩天天氣暖, 許多花都開得很燦爛, 要過兩天再來買, 花才可以擺過年. 不過怎也找不到網友梁巔巔介紹另一網友啤啤熊去買的"情人草". 那些一盆盆小小的紅色日本海棠很漂亮, 如果再細小一點會考慮買回公司放在案頭上.

有興趣看我拍的相片, 可click這裡: my photos

21 comments:

aulina said...

嚇得我丫,以為你逐張放去去添!

Anonymous said...

無咁得閒, 咁樣靚D麻!

梁巔巔 said...

"但也有不少無理頭和農曆年無關痛癢的公仔, 如安全島上的黃色小塔, 消防水喉, 滅火筒, 集體回憶的天星碼頭鐘樓, Sudoku廁紙, 還有巨型珍寶珠, 卡樂B薯片, 五代同堂公仔, 一袋米等等,"

香港人真係轉數驚人! 掂!

"不過怎也找不到網友梁癲癲..."

梁 "巔巔"!!!!!!!!!!

Mad Dog <--- 罰寫梁巔巔100次!

"嚇得我丫,以為你逐張放去去添!"

XD

Anonymous said...

昨天已是第三次(今年)行花市,今晚還要去多一次,一來自己有份幫手做年宵攤位,其次是要陪朋友去,再者今天要買一份禮物(他拍定要某攤位的東西),所以要去咁多次!

aulina said...

不如聽日請假,橫掂都應該會冇野做... 咁咪可以去年宵囉!

Anonymous said...

LDD: 哦, 原來唔同架咩兩個字... 巔峰個巔下麻... 鬼知咩, 一陣得閒先改啦...

kajie: 第三次??!??!?! wowow!!! 好犀利呀! 喂, 你果檔響邊呀? 等我聽晚再去時搵你丫! :)

Anonymous said...

aulina: 其實你咁早收工, 今晚去都得啦.

梁巔巔 said...

"aulina: 其實你咁早收工, 今晚去都得啦."

咪係咯! 4:45洗定手, 5:00鬆人, 仲可以番屋企煮飯食再出去都只係7:00幾都仲得!

Anonymous said...

LDD: 咪係, 我琴晚九點幾先食飯, 十點幾十一點先去行年宵, 多人到丫.

梁巔巔 said...

結論: 柯蓮娜唔好晒命 ar ar ar ar ar)))))))))))))))))))))))

aulina said...

... 我唔鍾意同人迫嘛,係行都係行日頭架。

聽日有野做都係唔請得假,同埋叫兩隻細嘅去行花市,佢地會話留響屋企打機好過囉。未來電車男黎架。

mad dog said...

aulina: 我睇個勢, 呢個星期日頭都咁多人, 避唔到啦... 照去啦!

Anonymous said...

要去的始終要去, 要逼的始終冇得唔逼~~~~

Anonymous said...

十一年..
很細水長流的歲月呢.

mad dog said...

悲慘男: 唔明你講咩...

abby: 係水靜河非果隻... :)

梁巔巔 said...

"... 我唔鍾意同人迫嘛,係行都係行日頭架。"

我附和~ "aulina: 我睇個勢, 呢個星期日頭都咁多人, 避唔到啦... 照去啦!"

囉~

妳嘅特質又湧現~ 突現會蠢~ ^~

Anonymous said...

"突現會蠢"... 邊個????

梁巔巔 said...

Mad _ or _ Dog 囉~~~~~~

Anonymous said...

嘩...十一年,好羨慕呀﹗高層mad dog真的好幸福呀﹗手拖手拍住拖咁行,好sweet~~祝你地兩個老左都係咁行花市﹗ keep住幸福呀﹗

其實,柯蓮娜都唔輸蝕,有三位猛男護駕﹗好有女王feel~ "小肥,呀細..." "媽咪女王..."哈哈,仲有蝦子餅﹗

阿巔,mad dog姐鬼妹仔,團年都食西餐,寫錯你名又幾咁奇姐? 況且,你咁癲...人如其名﹗

我都未知邊日去好﹗但mark實家姐先,費時比d人串話我一條友無桃花運.......

梁巔巔 said...

"梁巔巔"

Heee heee~ Thank you! ^^

Mad Dog <--- 好好人

mad dog said...

LDD: 幾時"突現會蠢"呀?! =__=...

啤啤熊: 多謝你既祝福先! 其實如果巔哥唔講, 我一路都以為佢用個"癲"字咯, 入型入格丫麻...

LDD: 我好好人... 咁當然啦... 你都好好唧... ;)