又來的士司機的故事

這回司機不是在埋怨, 而是細說其幸福人生.

一個結了廿多年婚都不用妻子工作的的士司機. 一個以女兒十七歲了也從不頂撞他為榮的父親.

"我搵得唔多, 不過結婚廿幾年我都唔洗我老婆做嘢."

"不過佢都好慳."

"我好大男人架."

"我要求好簡單, 返到屋企, 有人斟杯啤酒我飲, 遞吓嘢俾我... 幾好."

在倒後鏡看到他一臉滿足. 知足, 其實是最幸福.

**********

其實事源路過中環反斗城, 司機應該是第一次見到: "嘩呢度都開間反斗城, 俾啲廿四孝爸爸買嘢!"

"媽媽都係啦"我答.

"喺呢度就緊係俾爸爸買啦... "

"點解唔係媽媽都會買呢?"我說.

原來司機認為媽媽都應該很空閒, 隨時在什麼地方都可以買到玩具, 爸爸要上班, 才要在中環買.

"宜家啲媽媽都好忙架, 你估淨係爸爸呀."我又說.

於是司機便說到他的傳統思想和男主外女主內的幸福家庭生活了. 還有他的童年生活. 真誇張, 短短數分鐘車程竟然連童年生活也告訴我.

"我細個時, 父母都出去搵食, 我最細, 又無人同我玩, 悶到死. 所以到我結婚嗰日, 我就同老婆講: 呀, 你唔好做嘢, 留喺屋企好呀."

我讚了他多次: 你老婆咪幸福囉.