的士司機的故事

偶然都會遇著一些健談的司機. 有時明明戴著耳筒, 看到他不停在說話, 不知道是問我什麼的, 唯有除下耳筒聽聽.

短程或晚上趕往上課或去吃晚飯都不會聽歌, 這時便是司機們高談闊論的時候了.

這晚便遇著個說不停的司機. 前一部被人截了, 原來是同學來的. 司機竟然替我出氣: 咁賤格呀佢!

我: 哦, 咁我又唔會咁諗, 我都睇唔到佢企喺嗰度...

路過一條小街, 兩邊都停泊了好些的士, 司機說應該都是行家們在吃晚飯了.

我: 嘩, 真係嘆, 你話你地幾開心, 唔洗做呀!

司機: 哈, 唔洗做, 幾難喇.

曾經聽過一司機說, 如果有的士牌, 大可賣掉便不用揸車了. 把這番說話告訴他.

司機: 哼, 幾百萬就唔洗做, 講呀?

我: 咁叫做可以唔洗太搏命囉, 可以他條啲...

然後司機說他有兩個讀高中的子女, 現有資產五百多萬, 一樣要做.

我: 咁又係... 俾我中咗千萬六合彩的話都要繼續做...

司機: (一副神氣) 嗱, 我聽日咪唔開工囉... 去食翅...

我: 係囉, 幾爽!

...

我: 不過又的確聽過唔少揸的士好發嘅人... 當然亦有好多捱得好辛苦... (說了一兩個成功個案)

司機: 講啫, 你都信呀? 邊有咁發吖... 宜家好多有的士牌嘅都係財團嚟架, 個人擁有嗰啲唔多架.

由的士牌說到五百萬資產和吃魚翅. 之後話題竟然變了香港很多女人搵鴨... :)

我: 我都係喺網度聽人講咋, 後尾上網睇, 真係有呢啲人/故仔...

司機: 哈, 大把呀! 一夜情好多呀, 女人添呀!

原來司機曾有女客邀請他去飲酒/消遣! wow... 你都咪話, 宜家咩世界...