七友團拜

七友揀了此周六團拜, 適逢我買了芭蕾舞票, 看完演出才加入. 晚飯地點是尖東帝苑酒店的越南餐廳Le Soleil. 是會計高官揀的.

二姊曾光顧此餐廳, 她說貴且不抵... 所以沒有什麼期望.

沒有拍照, 賣相較吸引反而是飲料. 我那杯Cococooler不錯, 是coconut加lime之類的東西. 七人結賬, openrice上有八折coupon, 位位約二百. 不會再來. (有個Michelin menu, $688一位... wowowow!)

十時人齊, 十一時多離開, 有人急急腳要走, 唉, 放你一馬啦. 然後轉到Intercontinental Stamford的coffee shop繼續. 此處甜品不錯, 沒有人客又可隨意坐至一兩點. 頗舒適.

我(老闆和大家閨秀)揀了raspberry tart, 夠酸, 好味:保險姐姐揀panna cotta:
會計高官吃fruit salad, 一大湯碗:
沉默賢人揀了tiramisu:
十一時多, 由晚飯的長枱終於可以來到甜品的圓枱, 這樣才可傾偈嘛. 我說: 宜家先至正式開始呀, 頭先都未warm up完!

有人熱戀中, 有人說: 最緊要唔好迷失自己囉... 咁唔得架...

我說: 咁, 一生人有幾多日子係咁開心吖?

有人說: 唔係呀, 我宜家都好開心呀

我說: 不過熱戀嘅開心喎, 點同

另, 提到友人的小狗走了, 問保險界女強人, 有看"Marley & Me"嗎, 她說不會去看, 怕會哭. 她說, 他日兩狗走了, 以後都不會再養狗了.