25 things about my ballet experience...1. 十歲開始正式學... 至十六歲
2. 初時在學校的幼稚園部課室上課, 導師是一芭蕾舞學校的校長, 跑來我校教授
3. 至中二才正式到某芭蕾舞學校報名入學. 那年參加什麼英國皇家考試
4. 翌年也有考. 都順利合格. 不算出眾
5. 中四時跟一眾導師轉校, 因她們另起爐灶. 那年有演出. 跳什麼匈牙利舞
6. 在班中算高, 又愛說話, 都喜歡站在舞室後方. 站前方的同學都較細小, 又好學
7. 中四時, 導師要求一星期上得幾多便幾多, 價錢一樣. 有優異的同學一星期上七課. 那時要準備應付會考, 又不打算繼續在跳舞方面發展, 進退兩難的情況下, 選擇離開
8. 直至大學時才有機會再上芭蕾舞課. 當electives. 跳了兩個semesters. 樓底極高的舞室又大又高雅又有落地玻璃看到校園景色, 至今仍歷歷在目
9. 有一個學期更遇著失戀. 一星期輕了七磅, 跳舞的同學都問: 你怎麼可以減得那麼快? 我只有苦笑
10. 那年那對Capezio backseam tights(後面有骨的)是在校園附近一條街上某跳舞用品店買的. 現在還有穿!
11. 畢業回港, 工作一年後, 由夜更調到早更(新聞工作), 正常生活下, 又再跳. 約一年多. 那時頗肥胖
12. 又直至04年, 本學pilates... 最後又變了跳芭蕾舞. 一直至今. 數數手指, 前前後後也跳了十一年以上... wow, 很老
13. 我的腿, 不用問了, 粗
14. 現在也不瘦 (最瘦反而是03-05... 越跳越肥?!) :(
15. 最喜歡adagio部份
16. 同學說我的grand battement to second做得不錯
17. 近來好像有點進步, 有點安慰
18. 現在一星期上三課芭蕾舞(開始想減一課... ), 其中一課加pointe work; 另週末偶然跳其他舞蹈
19. 手(指)仍然做得很差... 有人問: 你曾學中國舞嗎? (其實小四時的確是學中國舞先的... haha)
20. 頭的擺放, 始終不如理想
21. 穿過三個品牌的pointe shoes, 暫時最舒服的是現在的一對Gamba 97, 腳趾最不痛就是這對
22. 從不會在leotard外穿短裙子, 我會想嘔... (會穿shorts or others)
23. Leotards顏色都是深色系列, 黑色最多, 灰, 藍, 酒紅... 沒有其他
24. Small jumps... 我覺得算做得不錯
25. Big jumps, grand jete一直是挑戰
其實寫多廿五都得... 不過應該無乜人有興趣睇. :)
(續: 繼續芭蕾)
11 comments:
好佩服你現在還有毅力一個星期上三堂課.因為除了體力,還要時間.真的會很累!(雖然我知道跳完很滿足又精神爽利 :P)
>樓底極高的舞室又大又高雅, 至今仍歷歷在目
對,這種環境真的很令人難忘.(我想說這有點像大學的舊圖書館... 不過好像離題了. :P)
lu: ballet好似其他運動咁, 可以減壓, 舒展身心, 正. :) 佢又唔係好似library, 似古老大屋裡嘅ballroom咁, 有barres, 有moveable barres, 都係舊木, 好靚. 出邊落緊雪時仲正 :) 你知我果度幾鬼凍架啦.
再寫多d 啦...我有興趣啊...你跳3堂, 夠時間嗎??你就好啦...我跳一堂, 沒大進步, 我在想辦法騰出時間跳多堂
peg peg: 再寫, 得幾個人睇架咋我估... :) weekday三堂係極限, 有時攰都跳兩堂算. 琴晚就去咗做body massage唔上堂 :p
Hi, 你好! 第一次留言，我有睇你個Blog，好鐘意你寫關於影評及跳舞點滴，看完你的芭蕾二十五，你細個學舞的情況同我好似，都係跟咗老師去咗自己開的學校度學，出黎做野時就同以前D跳舞同學keep住跳了幾年，都幾開心。 Fan
Fan: :) welcome! 以前啲跳舞同學都唔知去哂邊喇. 失去聯絡...
ummm我都好想番轉頭學ballet呢...因為真係要做番下運動減下肥減下壓....
但為何在leotard外穿短裙子會想嘔呢?我本人就好enjoy著紗裙跳舞喇!
哈哈哈你不如你繼續寫埋落去丫!我會睇架~~~:P
小can: 我好少著短裙(加boots除外), 跳舞唔想咁飄逸, 唔係好啱我 :)
繼續寫呀? 諗諗先. :)
Hi, mad dog. 我之前都有學過ballet, 都學咗成十一年啦 (由幼稚園高班到中五), 讀完書後曾報讀過演藝學院o既 jazz 班 (短期課程). 其後去咗一間舞蹈學校教小朋友 (幼稚園到小學). 人工都唔錯. 因為一次無做warm up去教班而拉傷咗條筋(大腿內側), 從此我o既舞功已經廢咗, 再落唔到一字馬或大字馬 我好想好似你咁樣, 間中跳吓, 練吓當拉筋!
其實我想問你一個問題, 唔知你會唔會幫到我呢? 我想在我有生之年拍一輯芭蕾舞沙龍 (即係去影樓拍攝嗰啲), 唔知你有無呢方面啲資料呢?
CSY
CSY: 大腿內側條筋都曾經拉傷少少, 不過後來無事. 前兩日en pointe就好似拉親ankle後面條筋, 聽日會睇睇物理治療. 希望你有機會跳番啦. dance photographer香港真係唔識, 可以幫你問吓. 都有朋友識影相, 場地可能要你自己搵. 又或者, 有無去馬會創意藝術中心睇吓? 果度有Dance Art, 又有好多production group/art workshop...
Thank you for your sharing. I will go there to have a look. Thanks again.
CSY
Post a Comment