真係乜都加, 好肉痛.芭蕾舞課加價. 20%呀!
物理治療一早加咗, 不過有得claim, 算.
食晏好明顯越來越貴.
琴日戇居居喺間什麼雲南米線舖門外見到啲相, 然後諗住求其買個, 一揀, 竟然$41! 頂... 我問: $41?! 點解咁貴?! 佢話: 咩都有架...
結果係, 毫不特別. 以後唔幫襯!!!!!
頭先去買lunch, 平日一個$42-$45嘅set(雞扒沙律and coffee), 佢收我$48.8... :(
乜都加, 我個人工就咁多年都係加嗰丁丁... 完全跟唔切通漲!
有LC VIP卡好多年, 不過亦好多年唔會收到佢地電話話我知新貨到, 擺明我唔係闊太, 無得年年買十多廿萬嘢... 不過呢幾個月已經收過佢地兩次電話: X小姐, 想話你知我地啲秋冬新裝已經到, 歡迎你隨時嚟選購... (係咪無人去買嘢呀宜家???)
八號風球嗰晚, 七點幾先離開公司(同平時差不多, 早咗少少, 又費事同人迫, 公司都仲有五六個人未走)冒住生命危險撲出大路截的士(樓下的士站得一個人喺度等車, 大風到不得了, 佢係驚到踎喺度等!), 佢要收我$50附加費, 都照坐. 落車時叫佢俾單我... 希望返公司有機會claim... 頭先俾個admin, 佢懶係支支吾吾... 又話未聽過有人有咁嘅要求... chiu, 有無少少人情味架宜家???
另外越來越少雞食啦, 我好鍾意食雞架!
5 comments:
我公司個 finance 堅到... 的士佬收多左兩蚊行李費又check到... 四個人一齊出trip食飯叫你分番四張單埋...d rule 多過校訓, 好x煩!!
的士就黎加 :(
20%!!!公司都未加過我20%人工呀~灰!!!!!
但係見你平日寫的是日午餐，都㚥抵！我公司附近食米線都$30起...
imak: 我過幾日再問問先... 打風喎, 好心啦... :(
愛美: 係啦, 起錶$18, 然後$1.5... 睇怕開頭都可能坐少啲...
karelian: 係啦! 好貴呀!
maki: 都算多平嘢食架. 要搵囉. 廿幾蚊一碗米線都仲有好多... $41真係嚇呆!
Post a Comment