半夜三更寫這個, 不是想嚇人.
的而且確, 香港的靈位越來越少. 即使是火葬, 要找個骨灰位都不易.
我覺得, 其實靈位都是給後人來紀念先人的, 為後人著想為重. 他日可能無兒無女, 不如把我一部份的骨灰撒下海, 留一些分給至親. 見過新聞介紹, 德國有一種戒子, 可以盛放先人骨灰的, 又可造成頸鏈, 至親可以戴著或留作紀念.
沒有兒女的話, 他日只會煩倒甥女們. :)
想紀念我嗎, 我寧願至親和好友吃頓豐富晚餐, 高高興興地懷念我, 總方便過老遠去墓地.
唔, 不過暫時想不到哪個海特別值得撒骨灰. 要想一想. :)
最好就是家人好友們遊船河出海幫我撒骨灰. (我知, 大吉利是! touch wood touch wood! :P)
去年看的英國電影"Last Orders"就有這樣的一幕. 幾個生前好友把友人的骨灰撒到大海上.
14 comments:
我也這樣想，隨風而逝，不用煩。
readandeat: :)
出海撒骨灰.... 除非係公海... 否則係犯法架...
不過香港既位真係買小見小... 我先人走果時去揀位, 個四眼姐姐話, 揀到就係果個, 無得換, 你可以選擇唔要, 但放棄左就唔會再可以揀過.
你話如果做一門咁必須既獨市生意就不得了
peg peg: 要公海先得? i c... 咁咪好遠囉? 要揀海外囉咁 :) 獨市, 不過香港果啲係政府架係嘛?
我本來都想買miumiu長個個~但係友人用緊殘得好快~~~就唔敢買..:(~~但真係好靚ma~哈
講開撒骨灰~我就想起一套gay film~
佢最後把成個骨灰龕放在海邊~都唔錯~~
coffee: 我宜家都用緊一個Miu Miu, 都好似快兩年. 未殘未爛, 有啲悶啫. :)
coffee: 就咁擺個urn響海邊? 咁唔怕俾人丟?
個下好浪漫下~冇想過呢個問題~哈哈~~
呵呵~可能人夾人~攪到我又想買番miumiu~~coach係咪你杯茶?佢地都有唔少長銀包~
睇電視睇返嚟的，可以將灰佢變鑽石……幾好呀呵？
先人的骨灰，若公家沒位，安放家中。
自己的，如無後人，請人代撒公海。
戒指之類的，總覺得不太可能流傳很久－－好難一世帶在手上，三代以後大概就無人知道由來，人已不再，留下的骨灰還被糟蹋，算罷喇。
我亦向有此想, 回歸大海, 多好!
香港撒骨灰落海, 要得政府批準, 所以玻璃之城那幕是犯法的!
香港有一間善團提供這項服務, 早兩日聽朋友說過, 但不確定是那家了.
我早已跟家人講好，要海葬。
香港去年已有所謂海葬了（其實是先火後海，不是直接送到海中。哈哈！），不用擔心；不過現在還未普及，可能比火葬還要煩。
http://www.hkseaburial.com/
喺北歐有種新既葬法, 冰葬
將遺體用超低温處理後crushed into "ashes", remains可以埋喺泥土到...
比起火化環保好多~
coffee: 係呀, 我下一個可能又係Miu Miu. :)
aulina: 鑽石? 唔值錢果種? :) 當飾物唔錯呀呵.
cosmicrays: 安放家人唔多安全咁喎... 先人有後代都係有個位好啲. 三代以後大概就無人知道由來又係真.
愛美: 好似無睇玻璃之城...
荒靈: 嘩, 有資料添! thanks! :)
peg peg: 冰葬, 好idea喎!!! 正!
Post a Comment