Pages

Sunday, November 15, 2009

隨寫

很多東西想寫下來卻又不知從何開始. 魂魄好像還未回來似的. 最好還是想到什麼便寫什麼了.

~ 假期後回來上班也有七天了, jet lag了多天, 終於可以完完整整睡七個小時. 真犯賤, 許多天都睡不到六小時, 是放假多天都如是. 有幾天下班回家好像"全身散哂"一樣. 還有力跑去跳舞加pointe, 在barre en pointe也跌倒, 精彩!

~ 餓咖啡餓了快五個月了. 真佩服自己, 一戒便戒了. 前兩天忽然很想很想喝, 心想, 不如照買回來, 最多呻兩口便不喝吧. 真慘. 今天終於連decaf都要喝. 還喝了兩杯! 幸而兩杯都不錯.

~ 放假遠行真的要有十天才有效, 才有那種出走的感覺. 四日三夜或五日四夜都真的不夠. 光是花時間籌備和jet lag都令人頭痛了, 不去夠一星期以上真的不爽. 短的旅遊根本連休息的時間都沒有, 去完回來更疲倦, 又沒有靜下來的時間. 這次的十一天(其實是十一天九夜)給我不只出走的感覺(亦沒有從天堂返回地獄的感覺), 有時也不是地方的問題, 而是抽離一段時間. 唔, 有點重生的感覺吧. 真不可低估這個十天. 有時間有能力的話, 真希望每年都可以如此出走十天. 感覺是心靈得到洗滌, 淨化一樣.

~ 終於見到多年好友, 給了網誌地址給他. 他看了一點, 說覺得我有點sad. 噢, 是嗎? 近來的文章都不算sad了. 聽到有點驚訝. 或許十多年前的我又真的是個極度樂觀大癲大肺的人吧. 今天的我又的確和十多年前的我很不同.

~ 這次回美國, 或許經濟不景, 也感到友人們工作都頗辛勞和不少壓力. 各方面都令我覺得"你睇我好我睇你好"的感覺. 藥劑師好友每天工作八小時都是站著的, 聽來真的辛苦. 加上shift, 時間天天不同, 和另一半見面的時間也不多. 幸而收入比較可觀.

~ 問藥劑師好友上班有沒有戴口罩, 尤其流感情況嚴重時, 她都說沒有. "戴口罩嚇死人架!" 所以即使明知有患上H1N1的病人來配藥也不會戴口罩防範, 不過她們會提醒懷孕的同事稍作迥避.

~ 昨晚去了聽小提琴演奏. 有人說: 怎麼你學過多年, 從未聽你要來這些演奏會. 又真的, 我不是個古典音樂迷. 有人邀請倒會來的.

~ 出走令人看到一些平日看不到感覺不到的人與事.

好像有些想說的都忘了.

6 comments:

myblahblahblah said...

十天的旅行, countdown 到尾聲都多幾日啦. 係喎, 美國經濟不景到處大減價, 收穫係咪好豐富呢?

mad dog said...

myblahblahblah: 都無瘋狂掃貨, 其實無咩減價, 只不過都緊有啲心頭好 :)

不是公主 said...

我都覺得去旅行最少要一星期先夠..
甚麼四日三夜.. 好似飛左去一陣就飛返黎咁..
仲要不停諗黎緊去邊.. 幾時要走..
好辛苦呢..

我總覺得, 人大左好難好似以前咁樂天
以前我地會相信明天會更好, 明知唔會更好都會幻想更好
係呢個社會打滾得愈耐, 愈覺得事實就係事實
明知問題未解決仲點去幻想更好呢?

btw, 打錯字了, 係罩唔係睪呢~ ^^

mad dog said...

我不是公主: 係啦, 不過好多時唔敢一次過攞大多假, 又怕返工之後做死死, 所以好多人都係一次攞幾日去短trip, 其實真係透唔到. 你幾時打個睪字呢? 都唔見嘅... 係呀, 人大咗想樂觀都唔係話成日都可以... 唉.

不是公主 said...

我話你打錯字呀.. hee

我好想黎緊同屋企人去星星國兩個禮拜。媽咪拎假係完全無問題, 係唔知阿爸拎唔拎到lor。
好在佢地都係大學做野, 拎假完全無難度。我以前間公司真係拎一日都唔鍾意呢..

有時有0的野, 自己可以改變到0既就盡量改變啦。自己控制唔到0既就唔好諗咁多/理咁多/煩咁多。

大家都要加油呀~ 開心0的開心0的~ ^^

mad dog said...

我不是公主: 哈哈, 原來係我打錯字! 笑死! thanks!