今日開始我的九場英國電影節馬拉松, 沒想到就有大收穫, 就是再次見到明哥, 這回我不會再錯失機會了, 厚面皮地跑到他跟前取簽名!由於時值電影放映前, 不想騷擾明哥, 當然不會要他和我拍照, 只拿著票根走到他座位旁, 叫他簽名.
沒想到, 我這個fan竟然驚喜得雙手也顫抖起來, 很是尷尬!
"你可以幫我簽個名嗎?"
明哥很體諒, 拿著我的票根, 反轉背面說: "我寫喺後面啦"
"我好鍾意你啲音樂, 好多年架啦... 我成日都喺電影節撞到你!"
接過他遞回給我的票根時, 很明顯我雙手仍在顫抖, 實在連我自己也想不到...
他與友人坐在我後面一行. 我走回座位時也不敢細看那票根, 連忙把它放回袋裡, 然後拿出袋中的HK Magazine來看, 企圖把顫抖的雙手收藏起來, 亦希望不會引來身旁或後面的觀眾的奇怪目光.
好開心呀!!!!!
都預料完場時明哥會很快離去, 他看完end roller才走, 但我想留下來聽電影原著作者的交流, 所以沒有跑去拍照了.
相信明哥這個電影發燒友, 一定還會出席其他電影放映, 我一定會再見到他!
26 comments:
嘩，羨慕死人啦。
哈, 直成想大叫呀!
淨係讀都知道你有幾興奮，果然值得高興！恭喜恭喜！
九唔搭八地搭訕一句，今晚閤家飯局撞到黃子華。雖然我是棟篤笑的fans，幾次撞到他都沒有請他簽名的衝動，cool妹病不定期性發作。
cosmicrays: 我撞過明哥不下十次, 今次終於鼓起勇氣, 我唔想後悔呀!
Lucky You !!!
你係幾時開始迷明哥架呢？好奇問句？
uncle ray: :)
cosmicrays: 達明一派一出就已經好鍾意啦!
當年無入fan club咩？
cosmicrays: 咁又無咁癲. 我呢啲慣玩低調嘛. :)
合照係咪實際過有紀念價值過飛底簽名呢？
一不做二不休，如果你部手機可以影相（依家都無邊部無可以呱？），下次記得飛身撲上合照喇！
cosmicrays: 我部手機影相普通啦, 其實我有DC響身添. 不過真係太張揚啦影相... 根本去攞簽名都真係唔係為個簽名, 只係想有機會同佢say hi嘛! :)
如果我埋到偶像明星身，一定唔會放過機會囉。大膽D喇，唔係第時真係會後悔架。
cosmicrays: 頭先個場合真係唔多適宜影相呀, 我走埋去都已經有啲odd... 我想俾個blog址佢添! 不過佢完場都走咯, 我想聽作者講嘢嘛. 我相信仲有八場, 一定有機會再撞到佢囉! :) DC, 一定拿埋去!
你做乜仲唔瞓???
你今日似番個少女，可愛好多播！
我只撞過他一次。在餐廳。不過我撞親明星都是在餐廳。可能等如我愛吃。
呵，少女md呀！！我敢架。XXXDDD
小弟非常喜歡明哥與達明一派,不知MD有沒看過"戀愛季節"?
明哥有著巨星的魅力,
可惜他是在香港,否則他一定會大紅大紫!
MC~
傻: 我諗近距離我3都撞過明哥六七次! 每一次都可以攞簽名, 琴日係最大勇氣一次!
3: :)
mugen c: 戀愛季節, 可能有睇, 不過太耐, 無乜印象lu.
哈,咁咪幾好﹗
張飛收埋響邊呀?
Bear: 緊係擺響我最多寶貴物件嘅櫃啦!
完全明白,我當日在演唱會中超近距離見的王菲我都呆咗,之後仲癲足成晚...
pinocchio: :) exactly!
少女?!?!?!?!?????!
:O
Din: 點吖!
"你做乜仲唔瞓???"
wahahaha，咪學你囉，留完言就瞓。
WA~~ congratulations!!!!
cosmicrays: :)
maki: 開心到癲!
Post a Comment