Pages

Tuesday, February 05, 2008

前路

看網友Mugen C寫有關工作, 我也感同身受.

他說到: "這份工滿足我物質上的需要,但其它呢?有點覺得困身,像在為了一個看不到的目標而進發"

人生走了快一半, 工作是比上不足比下有餘. 物質上是足夠, 不過, 是否就只是為了這些?

不是無病呻吟, 只是, 工作穩定, 收入算可以, 是否就等如一切?

或許三字不出頭就是如此. 沒有權, 沒有滿足感.

我開始想到, 或許我可以賺少一點, 但想幹一點自己覺得更有意義, 更有滿足感的工作或嘗試. 我怕他日回望, 會後悔自己的人生沒有完成更多.

有機會/想轉行嗎? 有機會開一間小店嗎? (例如一間有咖啡喝的書店... 不過人人聽到都說"執硬"!)

所以近日都在籌算再進修, 為前面鋪路. 會是怎樣? 其實自己也不知道.

2008, 應該是充滿變化的一年吧.

其實還想說是, 以前從不會覺得想回到年輕. 不過現在的想法是, 如果我有現在的腦袋思想心智閱歷, 但還有許多的青春及時間, 你說多好呢!

29 comments:

Anonymous said...

冇權 ? 冇得升職? 不過有好既人工呢 !!
好多人一世都係三冇 !!! 正所謂人心不足就蛇吞象....

Anonymous said...

hahahah! 又係你!

Anonymous said...

Maddog阿姨,你的Twitter留言不要那么傷感啦:)
Mrbibe

Anonymous said...

你依然年輕呢~
有份人工好的工已經好幸福,至少有足夠的金錢去進修繼續發展你的才能。加油!加油!加油! ^_^

Anonymous said...

幾時輪到你話你冇青春呀?

Anonymous said...

“我怕他日回望, 會後悔自己的人生沒有完成更多”,都曾經有段時間這樣想,怕將來覺得自己一生很碌碌無為,怕會覺得浪費了上天所賜。

虎茶 said...

唔好介意我用呢個字....... 呢一種想法叫做"中年危機"(又唔一定係中年發生既).
大部份都市人都會有呢一類既想法, 特別係一班中產專業人仕身上發生.
當你發覺工作已經到樽頸位, 向前又唔係, 向後就更加唔得時. 的確係有d痛苦. 絶對唔係無病呻吟既! 係無左人生目標, 同埋未夠了解自己啫.
死火... 我做咩又講埋呢d野呀..... 哎呀! sorry sorry!!

Anonymous said...

bibe: 傷感咩? 係咁噃, 可以點?

karelian: 年輕? 我好老啦!

3: 老啦... 又膝下猶虛... :P

閒趣: 又未至於"浪費了上天所賜"咁誇, 只不過會覺得後悔無過得更精彩咁囉...

虎茶: 絕對同意, 完全係mid life crisis... 沮喪! :( 你就好啦, 有自己生意! 我都想好似你咁!

Anonymous said...

Q: 人生走了快一半, 工作是比上不足比下有餘. 物質上是足夠, 不過, 是否就只是為了這些?
A: 不,是為了愛,欲.
Q: 不是無病呻吟, 只是, 工作穩定, 收入算可以, 是否就等如一切?
A: 欠缺了愛,欲?
Q: 有機會/想轉行嗎? 有機會開一間小店嗎?
A: 用開匯豐想轉中銀?
Q: 所以近日都在籌算再進修, 為前面鋪路. 會是怎樣?
A: 路係自己行來的,Mad Dog San .

Anonymous said...

又有人發癲... =__=

Anonymous said...

Will you still keep in touch with your ex bfs?

Anonymous said...

你會唔會生番個b呀?

Anonymous said...

Carrie: 咁你會唔會同你既 ex keep-in-touch? Sorry, 我多口問下啫。

Anonymous said...

carrie: 無啦.

lemon: b? 唔啦.

eeeason: 無人會睬你... :P

虎茶 said...

打自己工既路都唔容易行, 例如未必個個月有固定收入啦, 唔可以成日買靚衫靚鞋. 因為你對金錢既睇法係唔同左架.
仲有, 困身好多, 都無話邊日放假, 邊日係返工. 總之有野就要做. 雖然係咁, 但係做一d自己想做既事, 又真係幾happy既.

Anonymous said...

虎茶: 我都知, 希望有一日加入你嘅陣線! :)

梁巔巔 said...

哎喲~~~~ 阿大, 妳都駛驚?!

"只是, 工作穩定, 收入算可以, 是否就等如一切?"

梗係~

"或許三字不出頭就是如此. 沒有權, 沒有滿足感."

好好 ga 喇! 食幾多著幾多, 整定~

"2008, 應該是充滿變化的一年吧."

唔只妳, 成個世界都係! 所以, you are not alone, 成個 world 陪妳!

"其實還想說是, 以前從不會覺得想回到年輕. 不過現在的想法是, 如果我有現在的腦袋、思想、心智、閱歷, 但還有許多的青春及時間, 你說多好呢!"

食懵妳.

Anonymous said...

你開店, 我會送花藍和成日捧場支持!

mad dog said...

Din: 嘩又忽然英文! ha!

uncle ray: 就憑你呢句, 咁我辭工去開店啦! hahahah!

Anonymous said...

08年對我來講暫時仍然是傷感的一年...
這兩三年仍處於人生低潮,係咪去到某個人生階段就會遇到這種衝擊?事業、愛情、人生...百事不順,大獲!

mad dog said...

小蓓: 一切都會更好架啦, 唔好灰心! :)

Anonymous said...

哈哈,md 叫人唔好灰心。

點解今日無新文嘅?

mad dog said...

閒趣: ha... :) 琴晚好唔得閒...

Anonymous said...

Do you give discount to us?

mad dog said...

uncle ray: hahah! 你咁認真? 開到一定俾discount你! :)

Green Rabbit said...

Mid-life crisis? Mine happened prematurely...三十歲前已再進修又轉咗行,但現在卻有d兩頭唔到岸,還要為前路好好打拼。人,總是這樣矛盾呢~

另,鼠年心想事成!食多d大米!^o^~

mad dog said...

green rabbit: 起碼你都嘗試過吖. :) 祝你新一年萬事稱心!

Anonymous said...

true! very very true! i guess it's the common concern for those who are mid 30s!

that's our fate, i mean those who were born in early 70s :)

agreed & understood!

Anonymous said...

kajie: right... isn't that sad?