決定開個題目叫得閒影張相. 以後都會得閒post張相, 睇相好過睇文嘛...點解有咁大袋吉? 係清潔嬸嬸交俾我, 話我個舊同事叫佢拎俾佢... 叫我轉交舊同事. 於是我放響枱底, 等舊同事上嚟攞.
佢要咁多吉嚟做乜? 睇怕要嚟浸鹹柑桔卦...
另一經典同事更誇! 事源琴日新十五, 佢收到屋企電話, 叫佢攞啲吉仔返去. 佢話: "吓, 哦, 我一陣去後樓梯搵吓啦... "
之後佢真係走去後樓梯搵, 不果.
返埋位, 打去樓下management... "喂, 我想問呢, 你哋嗰啲一盆盆吉丟哂啦? ... 哦, 無, 諗住扎番啲返去啫... 咁快丟哂啦? 咁算啦... 唔該... "
兩同事聽到都想笑, 我當聽唔到... 佢哋問佢要嚟做乜. "返去浸鹹柑桔嘛! 舊年攞咗好多返去!"
精彩嘛?! 我公司好多奇人奇事.
10 comments:
hahaha~嗰啲一盆盆嘅桔真係食得架？
我可能用電話影啲色冇咁靚...
真係好意頭,閣下今年一定有運行~
cr: 佢地係咁講.
pinocchio: :)
karelian: 好呀! 成你貴言!
成個畫面都係橙色，睇得多都會開心Ｄ！
乜喎，我見到office果d我都想攞好耐呀！我想整jam呀！！！橫掂都係掉之嘛，梗係用得唔好嘥啦！
maki: :) 祝你如意吉祥!
aulina: ... hahaha... 不過斷估你唔會打落management問攞吉仔囉呵???
話時話﹐我屋企都仲有前人浸落一大盎鹹柑桔﹐掉又唔係﹐食又驚驚地。
cosmicrays: 我都知我寫錯字: 柑桔先啱呀呵? 不過好多人照食浸咗幾十年嘅鹹柑桔架!
Post a Comment