看網友Mugen C寫有關工作, 我也感同身受.他說到: "這份工滿足我物質上的需要，但其它呢？有點覺得困身，像在為了一個看不到的目標而進發"
人生走了快一半, 工作是比上不足比下有餘. 物質上是足夠, 不過, 是否就只是為了這些?
不是無病呻吟, 只是, 工作穩定, 收入算可以, 是否就等如一切?
或許三字不出頭就是如此. 沒有權, 沒有滿足感.
我開始想到, 或許我可以賺少一點, 但想幹一點自己覺得更有意義, 更有滿足感的工作或嘗試. 我怕他日回望, 會後悔自己的人生沒有完成更多.
有機會/想轉行嗎? 有機會開一間小店嗎? (例如一間有咖啡喝的書店... 不過人人聽到都說"執硬"!)
所以近日都在籌算再進修, 為前面鋪路. 會是怎樣? 其實自己也不知道.
2008, 應該是充滿變化的一年吧.
其實還想說是, 以前從不會覺得想回到年輕. 不過現在的想法是, 如果我有現在的腦袋、思想、心智、閱歷, 但還有許多的青春及時間, 你說多好呢!
29 comments:
冇權 ? 冇得升職? 不過有好既人工呢 !!
好多人一世都係三冇 !!! 正所謂人心不足就蛇吞象....
hahahah! 又係你!
Maddog阿姨，你的Twitter留言不要那么傷感啦:)
Mrbibe
你依然年輕呢~
有份人工好的工已經好幸福,至少有足夠的金錢去進修繼續發展你的才能。加油!加油!加油! ^_^
幾時輪到你話你冇青春呀？
“我怕他日回望, 會後悔自己的人生沒有完成更多”，都曾經有段時間這樣想，怕將來覺得自己一生很碌碌無為，怕會覺得浪費了上天所賜。
唔好介意我用呢個字....... 呢一種想法叫做"中年危機"(又唔一定係中年發生既).
大部份都市人都會有呢一類既想法, 特別係一班中產專業人仕身上發生.
當你發覺工作已經到樽頸位, 向前又唔係, 向後就更加唔得時. 的確係有d痛苦. 絶對唔係無病呻吟既! 係無左人生目標, 同埋未夠了解自己啫.
死火... 我做咩又講埋呢d野呀..... 哎呀! sorry sorry!!
bibe: 傷感咩? 係咁噃, 可以點?
karelian: 年輕? 我好老啦!
3: 老啦... 又膝下猶虛... :P
閒趣: 又未至於"浪費了上天所賜"咁誇, 只不過會覺得後悔無過得更精彩咁囉...
虎茶: 絕對同意, 完全係mid life crisis... 沮喪! :( 你就好啦, 有自己生意! 我都想好似你咁!
Q: 人生走了快一半, 工作是比上不足比下有餘. 物質上是足夠, 不過, 是否就只是為了這些?
A: 不，是為了愛，欲.
Q: 不是無病呻吟, 只是, 工作穩定, 收入算可以, 是否就等如一切?
A: 欠缺了愛，欲?
Q: 有機會/想轉行嗎? 有機會開一間小店嗎?
A: 用開匯豐想轉中銀?
Q: 所以近日都在籌算再進修, 為前面鋪路. 會是怎樣?
A: 路係自己行來的，Mad Dog San .
又有人發癲... =__=
Will you still keep in touch with your ex bfs?
你會唔會生番個b呀?
Carrie: 咁你會唔會同你既 ex keep-in-touch? Sorry, 我多口問下啫。
carrie: 無啦.
lemon: b? 唔啦.
eeeason: 無人會睬你... :P
打自己工既路都唔容易行, 例如未必個個月有固定收入啦, 唔可以成日買靚衫靚鞋. 因為你對金錢既睇法係唔同左架.
仲有, 困身好多, 都無話邊日放假, 邊日係返工. 總之有野就要做. 雖然係咁, 但係做一d自己想做既事, 又真係幾happy既.
虎茶: 我都知, 希望有一日加入你嘅陣線! :)
哎喲~~~~ 阿大, 妳都駛驚?!
"只是, 工作穩定, 收入算可以, 是否就等如一切?"
梗係~
"或許三字不出頭就是如此. 沒有權, 沒有滿足感."
好好 ga 喇! 食幾多著幾多, 整定~
"2008, 應該是充滿變化的一年吧."
唔只妳, 成個世界都係! 所以, you are not alone, 成個 world 陪妳!
"其實還想說是, 以前從不會覺得想回到年輕. 不過現在的想法是, 如果我有現在的腦袋、思想、心智、閱歷, 但還有許多的青春及時間, 你說多好呢!"
食懵妳.
你開店, 我會送花藍和成日捧場支持!
Din: 嘩又忽然英文! ha!
uncle ray: 就憑你呢句, 咁我辭工去開店啦! hahahah!
08年對我來講暫時仍然是傷感的一年...
這兩三年仍處於人生低潮,係咪去到某個人生階段就會遇到這種衝擊?事業、愛情、人生...百事不順,大獲!
小蓓: 一切都會更好架啦, 唔好灰心! :)
哈哈，md 叫人唔好灰心。
點解今日無新文嘅？
閒趣: ha... :) 琴晚好唔得閒...
Do you give discount to us?
uncle ray: hahah! 你咁認真? 開到一定俾discount你! :)
Mid-life crisis? Mine happened prematurely...三十歲前已再進修又轉咗行，但現在卻有d兩頭唔到岸，還要為前路好好打拼。人，總是這樣矛盾呢~
另，鼠年心想事成！食多ｄ大米！^o^~
green rabbit: 起碼你都嘗試過吖. :) 祝你新一年萬事稱心!
true! very very true! i guess it's the common concern for those who are mid 30s!
that's our fate, i mean those who were born in early 70s :)
agreed & understood!
kajie: right... isn't that sad?
Post a Comment