保險人買保險

不是向大家賣嘢, 亦不是趕客文章.

事源昨晚和七友們晚飯, 慶祝三位姐姐的壽辰. 當中包括保險界女強人.

話說她近日有兩位同事/朋友忽然患病, 可大可小, 有人更要入住ICU兩天. 於是保險姐姐連忙買了一份"危疾"保險. 大家都以為她會買自己公司的保險, 卻不然, 還要是某大銀行的危疾保險, 我第一個發問: 吓? 咩你都會買銀行嗰啲架?! 真係唔能夠相信! 唔係銀行嗰啲無保險公司嗰啲咁好架咩?

保: 咪住, 你聽我講先... (不過人家叱吒保險界十多年, 數口又好, 你又怎能至疑她) 你買化妝品都唔會買開一隻就樣樣都係嗰個牌子啦...

我: 咁又係...

其實我們眾人好像從沒有向保險姐姐買保險, 多年前好像有人幫襯她買基金/投資之類的東西, 保單好像沒有. 所以我們都不是她的客仔, 她亦從不hard sell. 於是大家反而很想聽聽她的專業意見.

原來她比併過四間公司包括她自己公司的危疾保險, 還列了一個表出來, 計算過最合適自己又最有保障的一份, 就是此銀行的保單. 而且連早期癌症及原位癌都保. 不過價錢不低, 每年要供兩萬多.

她計算過到了某個年紀已可以break even. 保到85歲.

對. 現在除了要買人壽(當然假如家底豐厚而又單身, 自己有什麼三長兩短而家人也不會志在你的百多二百萬人壽的話, 人壽未必一定要買/你買幾千萬人壽又另作別論), 女性保和意外保險外, 危疾保險也不可少.

我好像也有買危疾的, 不過要再翻看細節才知道保額足不足夠了. 大家都不約而同地打算拿自己的policy給保險姐姐分析一下, 看看有需要再買其他保險與否.

說到自己買咗乜都唔係太清楚, 席間有位銀行界人士就是這樣, 然後被保險姐姐戲言: 唔係卦, 佢(我)呢啲artist(不知道何時我變了artist)唔知都算啦, 你計開數都唔知?!

哈哈哈.

打算叫保險姐姐寫點有用的資料給我放上來分享, 她說: 嘩一陣以為我sell嘢...

看看吧.