近日天天都在電視聽到(都是邊做其他事邊聽到, 沒有真真正正坐在電視前看畢整個)這個"一個海港只有一個XXX"的廣告.化... 唔化... 女人點可以唔化... 今日唔化, 聽日仲點識化... 類似這句的說了整個廣告的數十秒. 然後一句: "一個海港只有一個XX城".
說到化妝, 我是個極少不化妝便出街的人. 有時病到五顏六色要去家附近的診所看醫生, 除了帶上墨鏡外, 偶然也輕掃pressed powder. 化妝出街這個習慣打從第一天出來工作開始至今. 就除了一個月, 就是當年父親逝世後, 特意不化妝來悼念他.
不少女人沒有化妝的習慣, 各有所好, 我不會反對. 都是各人的喜好及習慣.
正如剛才與七友中兩位友人晚飯, 我較晚下班, 趕著乘的士去會她們, 連洗手間也沒時間上, 補妝也得在的士上攪掂. 她們都說: "夜麻麻邊個睇你?" "成街咁多陌生人囉!"我解說. 她們覺得我很荒謬. 因為一個不化妝, 另一個只在早上化點淡妝, 晚上不會補的.
我說: 不行. 就是過不了自己那關.
記得有一友人說, 她喜歡不化妝, 因為曾經有伴侶說喜歡她的素顏.
如果我不化妝, 一定不會是因為曾經有一個愛自己的人這樣的評價. 我的美容妝顏習慣怎能被一個過氣的男人影響?! 荒天下之大謬!
雖則或許真的有男人喜歡女人不化妝(不過都不是我喜歡的那類男人囉... ), 但我認為, 說得出這句話的男人有多少成是真心話? 又, 其實都不過是自私心作祟. 怕女朋友太漂亮被人搶去吧?
每次一想起那朋友的說話, 我只會覺得荒謬.
18 comments:
這三兩連才開始化妝上街，年紀大了，黑眼圈臉青青皮膚開始粗糙，不遮瑕不上點顏色有點嚇人，倒不為impress 任何人，只是過不了自己。也只限淡妝，還是不懂畫party妝...
typo, 是"三兩年"...
同意，有時候覺得出街不化妝覺得很對不起自己。無奈公司各個素面朝天毫不講究，於是看著自己日漸懶惰。
化妝是一種禮貌黎架,雖然香港唔興呢種文化。一般伴侶都喜歡自己的女友以素顏示人,我就唔理佢咁多了,有時伴侶也會說做咩化到咁靚呀~見邊個~見邊個~ :)
我也是從出來工作開始就有化妝的習慣。我喜歡化妝，但絕對是為自己。化得靚靚的，人都好像開心些精神些。
父親過世後的一段日子我也是沒有怎麼化妝，當時的心情是容不下太多色彩只想素一點，但實際維持了多長時間倒不記得了。
你那位不化粧因為伴侶喜歡她素顏，其實也是各有所好，沒有荒天下之大謬喇。
我而家係星期六日先會化妝囉，因為平日返工唔想早d起身去化妝，不過會搽base再上碎粉 ;)
cosmicrays: 係怕嚇到自己又嚇到人. :)
cr: 懶惰... 返工啲衫就真係越來越懶... 個個都越來越求其, 自己都無乜mood著靚啲.
karelian: 當然好多男人都怕女人化太濃妝, 太假, 不過自己鍾意化成點, 關佢Q事... :)
閒趣: "化得靚靚的，人都好像開心些精神些" exactly! 完全係令自己開心嘅事!
3: 都知, 不過如果因為一個past tense男人嘅評論而影響自己化唔化妝絕對係荒謬亦可憐!
小球: 其實慣咗都唔覺得好花時間, 死頂. :)
係架，我日日都係converse，有時人字拖添！
呢兩個星期都無化妝返工，起初都唔慣無化妝，但漸漸都睇慣，我想大概是習慣問題吧！當然與朋友去街都會化下妝呢~ :p
可以的話,我真係想日日化,但係又唔想咁早起身,我成日ot到好夜,d皮膚頂唔住,會好容易出粒粒,所以唔敢化咁多. 但係化左一定係靚d, 又有自信d, 尤其過左30歲.
阿大, 好靚呀~~~~~~~~~~~~~~~~~~ 幅圖個女仔!
cr: converse我就星期五先著啦.
sa: 我唔化妝好病樣.
macy: 係呀, 後生啲時, 朋友都會話你皮膚咁好洗乜化, 宜家自己覺得唔可以唔化, 皮膚無以前咁好啦.
Din: 走啦你!
可能男人唔知年紀大但素顏幾靚o既人，其實可能用左高超base makeup技術...
我個人覺得乜都唔化其實望落去好頹廢，因為年紀大好點都有Ｄ黑眼圈或色素沉著，所以我都係出街一定化妝...
maki: 好頹廢, exactly! :) 如果迫我唔化妝出街, 我寧願唔出. 個道理好簡單, 如果可以令自己有七分, 點解可以容忍自己得四五分走出街? 我係點都唔明囉! :)
最緊要靚嗟，化妝無所謂，唔化妝亦無所謂。
何況，化與不化，可能只係兩個唔同既looks，適合不同場合。
有時化開妝既女士，偶爾碰見佢地無化妝，好少會覺得醜左，反而覺得耳目一新，好脫俗，另一番魅力。
pk_: 耳目一新，好脫俗, 都要睇吓皮膚夠唔夠好架. 化開妝, 好多女人都唔多敢就咁走出街. 好驚架.
Post a Comment