Pages

Wednesday, July 15, 2009

兩周一聚: 笑話一則

又是發生在多年前的一件事.

那是個傳呼機的年代. 而且是"要打上台check留言"的傳呼機年代. 年輕一代或許不太明白. 早期的傳呼機, 是只會顯示一些數字, 如123是"打回家", 456是"請回電"(只是假設). 如果留言比較繁複, 便要打上台check留言. 是有call台職員接電話的.

那是一個暑假. 兩個姊姊應該都是假期回港放假, 而我仍在港讀書. 所以她們沒有call機, 而我有.

一天, 我們和親友去灣仔美利堅午膳. 父親沒有去, 留在家.

我的家人總愛玩"花名", 不同時期, 每個人都有不同的"花名". 那期, 父親的"花名"應該是他自己改的, 是"大王", 皇帝那種, 音也是"皇".

當我們在美利堅進餐時, 我收到一個call. 於是跑去打電話上call台. 那人告訴我: "大黃(音"枉")叫你買炸子雞." 我一聽了便覺得荒謬, 一定是開玩笑. 回到位置, 亦沒有告訴母親和姊姊們.

回家了, 父親高興地問: 我隻炸子雞呢?

我們說: 咩嘢炸子雞?

父親: 我咪call咗你叫你買炸子雞囉!

我: 吓?! 你嚟架?! 佢話大黃(枉), 我以為留錯呀! 無拿拿做咩大黃搵我買炸子雞啫?

眾人哈哈大笑. 都怪他攪鬼了. "你留老豆咪好地地囉, 留咩大王吖, 係咪衰吖, 宜家無炸子雞食喇!"

說到call機攪笑事件其實不少.

記得那時幫人補習賺零用錢. 一天我在某大宅替一女生補習. 其母親是那種巴巴閉的太太. 她原來不知道秘書台是怎麼一回事. 以為真的有個別秘書為每個人客服務.

那天她打上其丈夫的秘書台, 然後說: 喂, 我係X太呀... 唉... 我都話我係X太咯...

我一邊聽一邊死忍沒有笑, 人家哪會知道你是誰.


其他網友的笑話.

11 comments:

石先生 said...

哈哈哈,第二個我真係笑左出來。

readandeat said...

以前讀書時曾在傳呼台做兼職。小小八卦嘢,當年阿姐真的常打電話給阿字母先生的。

exile from hk said...

秘書台??? What's that?

mad dog said...

石先生: :)

readandeat: 嘩, 真係呀? 仲有無其他八卦嘢? :)

exile from hk: wow... 秘書台都唔係早期添噃. 其實宜家好多醫生都仲係用緊秘書台架...

Haricot 微豆 said...

>> ... 我係X太呀... 唉... 我都話我係X太咯...

Hahaha, I recognize the type !!!
She would walk into a restaurant, expect everyone to know her (呀X太,乜咁俾面呀,坐啦坐啦!)and serve her on hands and knees !!

chilli mom said...

我以前都做電訊公司,有好多 Call Centre 的笑話,好幾好笑架。

Case 1. 牛頭唔搭馬咀形:
本人: 你好, 電話查詢, 請問有咩幫到你?
亞嬋: 唔該豐明銀行呀!
本人: 請問要邊區呢?
亞嬋: 有邊區呀?
本人: 有銅鑼灣, 中環, 尖沙咀, 屯門
亞嬋: 咁要元朗啦!
本人: 小姐, 唔好意思, 無元朗區喎!
亞嬋: o下? 咁有邊區呀?
本人: (頂...又講多次) 係有銅鑼灣, 中環, 尖沙咀, 屯門
亞嬋: 咁元朗呢?
本人: (你老闆呀, 本人唔想再拖) 小姐, 無元朗區架,
或者比最近o既屯門分行你啦
亞嬋: 唉...咁麻煩架, 是但喇!
本人: (咁唔願意唔好要嘛) 係, 請記低號碼....

Case 2. 鄉音未清形
本人: 你好, 電話查詢, 請問有咩幫到你?
亞伯: 唔該蓮學疆屍呀!
本人: (已經想笑) 唔好意思, 係咪蓮花個蓮呀?
亞伯: 唔係呀, 蓮學個蓮呀!
本人: (妖...講o左等如無講) 咁係咪學年掉返轉呀?
亞伯: 都話唔係咯, 呢.....蓮學航空o既個蓮學呀!
本人:(頂...) 聯合呀???
亞伯: 咪係囉!
本人: (仲覺得自己o岩) 咁請問疆屍又係咩呢?
亞伯: 一間間o個d疆屍呀!
本人: (本人被激得半死) 哦! 公司o黎話?! 請記低號碼啦....

Case 3 鄉音未清形
本人: 你好, 電話查詢, 請問有咩幫到你?
亞嬋: 唔該要徐若瑄電話呀! o係交易廣場架!
本人: (猛抓頭皮 ...徐若瑄乜o係香港咩???) 小姐, 請問係私人定公司電話o黎架 ?
亞嬋: 唔係呀! 係酒家o黎架!
本人: (酒家??? 本人靈機一觸) 係咪翠玉軒呀?
亞嬋: 係呀, 唔該!!
本人: (笑到面都紅埋) 請記低號碼....

Case 4 私自翻譯形
本人: 你好, 電話查詢, 請問有咩幫到你?
亞叔: 唔該觀塘區o既愛迪特呀!
本人: 請問係咪愛心個愛, 超人迪加個迪, 特別個特呢?
亞叔: 係, 無錯!
本人: 唔好意思, 無呢個名登記喎!
亞叔: 無理由喎, 好大間公司o黎喎!
本人: 先生, 咁或者有無英文名架!
亞叔: 有, 我串比你聽, 係A....D....I....D....A....S
本人: (唉....一早講啦) 哦! Adidas呀! 請記低號碼....

Haricot 微豆 said...

The 4 cases from Chilli Mom are hilarious !!!

mad dog said...

chilli mom: wahaha, 笑爆! 鄉音未清形真係玩死, #4完全經典!!!! :) thanks for sharing!

Petit_melon said...

chilli mom 嘅笑话喧宾夺主哦!搞笑哇哩個!

愛美 said...

我以前都是用call機的, 由數字機, 文字機到秘書台, 都用過.
初時女人CALL機, 會被認為不正經, 所以在公眾場合如電梯響起來, 我會裝作不是我的.
我想我是最早用秘書台的一批, 最初朋友call我, 都以為是我開玩笑, 叫台姐不要玩野.
當年用call機真的很多笑話, 現時想起來, 仍覺好笑.

mad dog said...

愛美: 朋友都以為你玩嘢呀, 攪笑.