嗰單賤男新聞, 應該無乜人唔知. 一向都唔鍾意賤男, 雖然唔係VV銀粉絲, 諗起當年毒瘤明事件, 一直都覺賤男小家, 才咩子吖, 識寫字就才子咩...
其實想講係某藝人反應. 我無乜睇娛樂版, 都係睇電視望到兩吓.
呀圓小姐被問及時, 佢話好"鄧"VV銀可憐, 又咩又咩... 當娛記問佢如果發生佢身上會點, 圓小姐話: choy! 我男朋友唔會架, 佢連蘭桂坊都唔去, 點會呀!
唔知點解, 每見佢一次電視訪問, 就越覺佢低B. 一次又一次露底. 小姐, 唔去老蘭就一定唔會鍾意另一個女人? (or行差踏錯?) 識唔識嘢架你?
有次又係K記Michael訪問佢, 佢話, 一個女人最緊要係顧住頭家, 要有一個窩. 如果一個女人四五十歲, 住間幾千萬豪宅但係孤伶伶一個人, 幾多錢都無用, 好可憐... 佢自己就一定會好好睇住頭家先喎... 邊個唔知?! 你估嗰啲獨居有錢女人好想架? 邊個擔保自己唔會孤伶伶一個人, 識唔識嘢呀你, 低B妹...
(我知大家好少見我咁講嘢, 有時係要發吓癲... )
10 comments:
哈哈﹗中年危機麼？做乜咁燥？
真係好少見你咁激喎！唔駛咁勞氣啦！
講得好呀。雖然我無睇新聞，唔知圓小姐係邊個。
十萬個認同!!我都覺得當年賤男屬小家男~如果我是VV,老早就飛掉佢了。我覺得賤男笑起來個樣好淫賤,一點才子氣質也沒有。
MD 姐講得好！無論係第一段同第三段！
有才果個係佢老豆，唔係佢囉。
個賤男追過我朋友，好衰！！
我都唔知圓小姐係邊個....
x2, who is ms. circle? get 唔到喎, MD!
係囉，我都唔明點解啲報紙叫佢作才子囉。唔通因爲佢識英文？不過琴日睇報紙佢o向人哋個f/book留言，啲英文都係麻麻咋……
readandeat: hahah, 好燥咩我? 我唔認到中年架...
sherry: 真的??? 哈, 我平日寫得太溫柔了... :)
cosmicrays: 竟然唔知? 人地有個blog架...
karelian: 淫賤添! hahahah! 其實都幾多人憎佢. :)
nikita: hahaha! :) 佢好彩有個咁勁嘅老豆, 如果唔係, 工都難搵呀.
tessa: 佢好似追親都係靚噃, 唔好忘記, 李嘉欣都同過佢. 圓小組woh... 有blog果個喎...
imak: 圓喎... 攞個音吖唔該...
cr: 咁攪笑? :)
Post a Comment