Pages

Sunday, November 23, 2008

朋友先講

七友中兩位會於09年成親, 嘩, 幾咁皆大歡喜.

星期三嗰日, 包括我有三位都放假, 另外又有人可以出到嚟食飯, 一餐lunch可以六條友齊齊happy, 你話係咪誇.

有人忍唔住口於lunch時宣佈. 跟住我同另一位就陪佢去試衫啦.

作為朋友, 我講咗一句肺腑之言: 你會減肥呀呵? :)

到琴晚食飯, 有人投訴, 話我已經講咗三次叫佢減肥(邊有呀, 1.5次左右咋!). 我話: 係你朋友先咁講, 好, 我今日開始唔講! 我叫你增肥, ok?

隨即有人笑到反肚. 唔係當事人噃...

好彩有人撐我: 好朋友嘅說話好多時都唔好聽... 不過都係真係朋友先同你講. :) haha!

點都好啦, 你減唔減到我地都咁開心, 都咁祝福你嘅!

在此祝賀兩位好姊妹, 婚禮籌辦順利愉快, 開開心心, 想減想增都成功滿意啦!

2 comments:

Anonymous said...

恭喜恭喜!

mad dog said...

bibe: 代佢地多謝你! :)