Pages

Saturday, November 22, 2008

曬冷

有晚半推半就又被迫下去了一個悶人飯局, 誰知有人刻意整晚玩曬冷.

三個小時裡, 有兩個小時都在聽人說自己的"威水"嘢.

飯局完畢, 只覺某人或許瘋了, 亦替她感到可悲. 十多廿年沒見面, 辛辛苦苦跑來原來只為告訴人家自己怎樣富有, 怎樣有慧眼.

食餐飯咁"恆"洗唔洗呀? 鑽石耳環兩大粒, 卡裝戒指一大隻, 勞仔一隻, 鑽石手鏈一條, 名牌褸一件. 我去飲都好耐無戴鑽飾lu... 斷估佢平日返工嗰區都唔洗咁"恆"啦吓話...

MK口吻 X 10. 聽者辛苦也.

一夜間, 我們得悉許多有關她的"消息". 包括她如何入行, 過去十年住過哪裡(都係豪宅喎大大聲!), 去年以什麼價位購入什麼豪宅(只借了銀行一半, 其餘都係cash噃), 又今年某月比任何人都早知個市會"冧", 用高價賣出(講埋exact amount), 非常醒目地喺海嘯前順利賺到百多萬... blah blah blah...

精彩!

是晚告訴七友, 眾人都詫異為何我會唔寸返轉頭. 我話, 佢咁開心咁enjoy, 咪由佢囉. 我只覺得好可悲. Isn't that sad? 廿年無見一出嚟曬足一晚... 但差不多完全無問我同另一友人嘅嘢, 齋曬自己嘢. 吹漲!

我同七友講, 有人話, 佢可能癲咗, 其實蝕到par低, 呢排有少少神經質, 特登搵人出嚟癲吓平衡番. 保險界女強人話: 其實你都癲啦, 咁嘅人你都同佢食飯!

唉. 我愛七友囉, 我地出嚟食飯, 大家唔洗咁乸恆, 咁辛苦.

13 comments:

Anonymous said...

最怕遇到這類開口埋口講錢的人,寧願聽下明星八卦。

mad dog said...

chris: 覺得佢好可憐, 要咁樣令自己開心.

Anonymous said...

真正富貴的人是不會亂曬命的,怕俾人綁架ma.俾著我中了六合彩四千萬的話,我死人都唔會大大聲話人知啦~hahahaha

Anonymous said...

恐怖……不過當笑話聽囉~

計算士 said...

我試過在巴士上聽到前面有個人喋喋不休在"曬"自己的威水史, 還以為是用HAND FREE, 落車時才發現原來是對窗自說, 很可怕, 也很可憐. 希望妳的朋友沒什麼大問題吧.

mad dog said...

karelian: 係呀, 真正富貴又有教養嘅都好低調, 見佢咁好可憐.

cr: 難為我聽足三小時... :(

計算士: 嘩, 可能我識嗰位有朝一日都係咁... 驚嚇...

c.r said...

三個小時!!!有冇搞錯架,唔攰嘅咩?

mad dog said...

cr: 根本近乎佢一個人講哂...

imak said...

oh... 你個人都幾有品吖! 我實忍唔到唔串佢架! yes... 我幾 bitchy 架!同埋都唔會諗住再見架啦!

Anonymous said...

:(一样会有跟她臭味相投的人吧?!

admin said...

曾經有次舊友聚會都出現這種人,雖然不及你朋友有米,但好努力去表現活得比你好/見識比你多,雖然大家都知是怎樣一回事!佢地真係幾可憐,因為佢地心中空虛...

Anonymous said...

你這位朋友原來的性情是否這樣?

mad dog said...

imak: 係, 我都真係算有品. 都叫由細識到大, 無謂咁臭寸. 唉, 都唔知佢咩事.

bibe: 噢, 這個當然, 人地有老公架. :)

maki: 一定係心靈極度空虛

uncle ray: 細個時個個屋企咩背景大家都知, 有咩可以曬. 可能等今日等咗好耐卦? :)