Pages

Wednesday, September 09, 2009

老闆

是日約了七友中的四人飲茶. 星期三是唯一一天"老闆"可以出來見人(晚上十時前). 要見此人真不容易, 生日飯都是十時多才出現.

不知說什麼, 談到去旅行.

話說和老闆去旅行, 是體力及耐力的鍛鍊. 之前一次去福岡旅遊, 沒有她的份兒, 我們四人是的士來的士去的. 去年和她去名古屋... 慘了, 拖著行李搭地鐵, 還要拖行七十多級樓梯!

"我都未試過去旅行去到頭暈架, 辛苦到要撲返酒店透嘅你話啦... " 我說.

"你俾佢講足廿年架!" 保險界女強人對老闆說, 有什麼痛腳, 都可以給我說廿年! :) 哈, 唔係你估.

大佬, 小姐嚟架嘛我地, 咁行法, 命都短幾年!

荒謬是, 老闆身家豐厚. 不過做生意的人總是這樣, 像我這些打工仔, 咪成鬼日大快活, 的來的去囉.

提議去旅遊, 我說: 要舒舒服服架喎, 即係呢... 如果行得太辛苦, 你地繼續行, 我可以自己返酒店嗰種呢... :)

是日飲茶地點最近我(有同區人忽然來不了), 其餘四人都從其他地方來(的士或地鐵). 沉默賢人比較遠, 要早走, 問: 呢度打的最近邊度呢?

我: 酒店啦.

老闆: (死性不改) 呀, 可以先坐的士去下一個地鐵站再轉... 可能...

未說完已被我鬧!

我: 好心啦! 我地無人咁辛苦架, (手勢示意沉默賢人離去)走啦XXX! 仲轉地鐵...

然後我又說到蝴蝶和蜜蜂的故事. "咁辛苦做咩, 都唔知有幾多日子... "

後記: 今天老闆拿了當年她出國後(她是我們多人之中最早出國的一個, 時為中四下學期)我寫給她的信件一小袋! 那是八/九年間的信件, 由中四寫到我大學畢業! 非常非常珍貴呀! 看看有哪些可以放上來分享... :)

8 comments:

Echo said...

'那是八/九年間的信件, 由中四寫到我大學畢業! 非常非常珍貴呀!' so moved!

情谊之可贵...

myblahblahblah said...

係囉, 好怕去行程勁 pack 的旅行, 未去已經覺得累.

小時候不小心掉了和朋友仔的信件, 很後悔 :(

保險界女強人 said...

今日9月9日見面其實好有意義, 但願七友友誼長久!

mad dog said...

echo: 係呀! :)

myblahblahblah: 對! 我其實好想去啲好hea嘅旅行.

保: :) 不過要人齊真係一年得幾次.

保險界女強人 said...

If you are interested, you may look for some place and we 2 could go together in Nov/Dec! The time is much shorter than 1 year

mad dog said...

保險: 十一二月凍喇好多度都... 我十月可以放十幾日呀 :) 度緊度緊.

Anonymous said...

see, you girls got so many holidays, just couldn't get a day off on wed........BOSS

mad dog said...

boss: 虧你仲敢出聲... 即係全人類都攞一日星期三??? 我得, 你問吓其他人囉... 星期三晚飯都好多人唔肯呀...