Pages

Monday, August 24, 2009

再說化妝小姐或先生

化妝小姐的外貌及皮膚/化妝有沒有說服力對你會不會買一件化妝品/護膚品有多大影響呢?

經過這兩天的經歷, 我其實覺得她/他們不一定有那麼大的影響力的.

話說昨天去買一件未用過又不知名的產品. 都是前陣子在雜誌上看到的. 幾經辛苦才找到它的蹤影. 替我解說的姐姐一臉色斑, 還先致聲明: 嗱, 我有斑, 因為我真係年紀大喇... (心諗... 都未至於卦... ) 不過最後我都有買, 因為價錢不昂貴, 一場跑到那兒, 不會空手回來. 即管一試. 不過她的色斑果真非常欠說服力.

是日又去了買化妝品(真的需要的, 在用的都差不多用完了 :P). 某百貨公司某昂貴品牌. 服務的是一男子. 本來沒有問題, 可惜他一開口一陣煙味, 明顯是剛抽完煙, 是有點趕客的. 不過最終我買了三件... :) 有九折架!

想問大家, 沒有說服力/趕客的化妝小姐及先生會令你放棄購買的意欲嗎?

12 comments:

said...

如果本來我就要買那化妝品的話
化妝小姐和先生影響不到我買的決定~

但如果我只是好奇看看
那麼化妝小姐和先生的態度
就會影響我買的意慾囉~^^

gar~* said...

當購買意慾好似你咁強, 天下間都冇咩阻到你啦~ =]

虎茶 said...

無禮貌, 有煙味, 怕煩(有時叫佢比多兩個款黎睇下時, 係唔想郁果啲.), 仲有夾你買多啲, 咩買多二十蚊多一個印呀, 買夠一千又可以送咩咩咩呀. 講左唔要就唔好夾我囉.
以上都係會令我立即走人的. 幾想買都好, 都變得唔想買.

myblahblahblah said...

買了傳聞中好好用的防脫霸王洗頭水, 俾髮型師說咁有用, 佢老闆個額就不會咁高啦. 又係喎!!!

Karelian said...

我姨姨後生時當Max factor的美容顧問,即現在的SKII,她已經40尾了,但皮膚依然白晢。所以我個人就比較看化妝小姐的膚質&妝容多點..當然都要看品牌的口碑啦。

oli said...

曾經遇過態度非常不可一世的﹐說話唔似serve緊客﹐反而令我覺得她在show off
該品牌的各店好像都令我覺得『不賓至如歸』
以後都無再幫襯﹗

Sweet Revenge said...

當男化妝師來sell我, 我總會想叫他彈開. 我想買乜野自己心中有數, 男生來sell我幹嗎, 美男計?!! 我呸!

昨天在北角英皇道Sa Sa 見到有男化妝師駐場. 我諗佢成日企o係度無野做都幾慘. 個場最多的是買菜的賓賓和阿嬸, 無靚女.

Anonymous said...

我唔會同化妝哥哥買野.

天蠍宅女 said...

hihi,一直都有看你的日記,希望你不介意。
我覺得如果好肯定要買該化妝品,咁ba姐表現應該不足影響;但如果心大心細,咁ba姐表現不好就足以趕客啦。
其實ba姐表現不好,就算最終幫襯,口啤傳左出去都不係咁好。

Al said...

其实喜欢态度欣勤老实而不会对我带有色眼镜的sales(因我不像香港人, 像菲人). 男的无所谓, 大部分是同志嘛。 不过有烟味就不会继续同他说话,不论男女. 不想给commission他赚.

BlingBling said...

化妝小姐和先生的態度絕對影響我買定唔買﹐ 如果我去到﹐看了一回兒都無人理我﹐ ﹐而他們不是忙緊。 就算我好想買﹐都會走~ :)

反而她們皮膚好唔好﹐沒關係...因為覺得皮膚好七成靠天生。。

mad dog said...

靖: 都啱, 我兩度都係已經決定咗買. :)

gar: 哈, 我都唔係架, 真係幾樣都需要買架.

虎茶: 煙味真係幾令我意外... 呢個品牌...仲要係LC裡面, 幾奇怪... 唉. 不過佢service幾好又幾nice.

myblahblahblah: 不過呢隻shampoo真係好多朋友用咗都話得!

karelian: 不過SKII好似無傳聞咁掂... 同埋好似內地人幫襯多啲, 係嘛? Max Factor以前就好掂.

o: 不過又係, 如果未買過而service勁差, 都可能以後唔會買.

sweet revenge: 不過好多男化妝師都好pro, 我又buy喎, 好少遇到啲男化妝師係吹水而無料. 北角sasa竟然有男的?

anon: 我會噃 :) 可能更好添.

天蠍宅女: 講得好.

Al: 原來大家都好怕人食煙. 不過我覺得佢地又未必一定係gay.

blingbling: 無人理有時我都幾鍾意, 唔好煩住我嘛, 我要買自然會出聲.