Pages

Tuesday, January 22, 2008

我寫... 因為佢叫我地寫落去自己個薄log度喎...

睇咗詹瑞文嘅"萬千師奶賀台慶", 都算連場爆笑. 有好幾幕笑到我飛眼水. 40場, 你都咪話唔犀利...

我唔係電視精, 所以其實有啲位我唔係太識笑, 因為無乜印象睇過某啲劇集. 相信睇三色台大又乜劇都睇嘅觀眾會更加投入.

其實詹打從響K寶客串扮董太時已有留意佢, 睇番, 佢一直都愛扮女人, 反而好少以男人打扮去攪笑, 除咗一啲兒童節目及劇場外. 呢次除咗智能焗飯嗰幕外.

個人show一啲都唔容易, 仲要演埋戲, 一氣呵成更加難.

雖未至於完全無悶場, 亦有啲位聽到有觀眾話唔明. 不過大致上都幾掂, 起碼有誠意, 夠認真.

最攪笑係XX小姐選舉及下一個四十年嗰堆萬變不離其宗嘅劇集名稱, 尤其後者, 笑濕了一張紙巾.

幾期待"萬世歌王", 因為我諗我對本地樂壇更不滿...

13 comments:

Anonymous said...

我都好想睇呀!!不過好似晚場爆到3月了,慘~

aulina said...

好似好多人都唔鍾意萬世歌王架……

墮天使 - 祥 said...

詹瑞文,好!

我很欣賞的一位演員。由於他的舞台劇經驗,令他的演出富有娛樂性。

不知道有沒有機會看他的現場演出?

Anonymous said...

你老公好似詹瑞文!!!!

mad dog said...

karelian: 咁誇?

aulina: 係咩? 但我有興趣噃...

墮天使: 好多人欣賞佢, 因為話佢有深度, 唔係一味攪笑.

aa: 你邊位??? 有件咁嘅事??? 點解我唔知? 邊個見過我老公咁叻???

Anonymous said...

唉, 好悶呀, 點解做咩都覺得咁悶?
點解??????????????????????

Anonymous said...

I watched 2 shows of Jim l/y but really don't like them at all.

However, it seems a lot of people enjoy his shows very much.

Anonymous said...

四十年後一堆劇名那一part真係笑到肚痛~

Anonymous said...

佢有冇教你地用口技做"笑cue"呀?

Mugen C said...

死lor, MD俾人話佢老公似詹瑞文! :sosad:

小弟反而覺得詹Sir有時太誇張,或者現埸睇又唔同既!

MC~

mad dog said...

uncle ray: but he has a lot of fans.

ninja: mission 同 passion嘛! :)

mugen c: 唔死, 緊係唔似又或無見過佢嘅人先會咁講啦. 好好笑.

myblahblahblah said...

原來你早我一日睇! 詹瑞文的演出技巧無得頂, 抵佢做咁多場. 我最鐘意向世界恤髮和 Florence 打電話那兩段.

但確實有些位唔明. 而且佢似乎想探討女性角色和電視兩大題目, 兩者關係又不是很突出, 有些混亂.

mad dog said...

myblahblahblah: florence果段都好精彩: absolutely... fabulous, right, yeah... :)