有些的士司機總愛撩人傾談.我則看心情吧. 心情好便回應一下, 心情不好便支吾以對.
今天下午去了港大, 然後打的去中環. 司機見我在正門上車便開始和我攀談, 第一句便聽得出他是有點精神問題.
不過日光日白, 星期六心情又不錯, 便和他癲足全程, 蠻有趣! (想必其實癲的那個是我吧!)
最好笑是他第一句便問我是不是剛上完lecture(發音超騎呢, 不過大約知道他意思)... "你咪以為喺港大行出嚟就一定係喺度讀緊大學先得架!" "咁你個樣真係似啲讀緊書嘅小妹妹吖嘛"(仲唔係癲嘅?!) "我啲化妝品叻啫..."
然後我竟無無聊聊繼續和他傾談... 由他說多年前讀Open U學費超貴然後讀不上drop out, 再到他猜我大學主修什麼... (期間他說了許多英語... )
最精彩... 應該說最恐怖是, 他很快便猜到我大學時主修什麼... 還要問: "double degree吖嘛係嘛?" 驚驚! 不要忘記, 我不是主修大路的學科的...
不過當然我不會"輕易放過"他了. 因為當他想猜我從事哪個行業時, 他是怎樣也猜不到, 還說我玩他! 他猜過: fashion, design, finance, 地產... 哈, 真好玩, 我應承了他, 下車時告訴他. 我嬴了! (真無聊!)
13 comments:
不如你post 張相出來, 給大家評評看看像不像小妹妹...
uncle ray: 咪玩我啦, 佢傻架...
Paul Arden年尾有本書：
God Explained in a Taxi Ride
佢或者覺得你係postgrad student呢。
無無謂謂笑一餐，爽呀！
p.s. 驗證碼居然係"blogs"！
個的士司機真好彩.....
And, 阿大, "咁你個樣真係似啲讀緊書嘅小妹妹吖嘛" <--- 喂, 妳咪借啲借啲又暗暗抽水讚自己先得 ga~
Uncle, 都話佢似某導演咯....
舊年過年我搭的士，司機大佬以爲我係中學生，仲問我決定讀邊間大學添……
雖然心裡暗爽，但係都覺得可能我個樣比較低b。:S
"你咪以為喺港大行出嚟就一定係喺度讀緊大學先得架!" "咁你個樣真係似啲讀緊書嘅小妹妹吖嘛"(仲唔係癲嘅?!)
经典 + 爆肚！！！！鼓掌！！！
我試過有一次，我愛貓剛係愛護動物協會過世，我喊住咁上的士返屋企，但個司機仍不斷同我講野，最後我同佢講“唔好意思，我唔想講野”，有時d司機太多野講，好煩！
我今晚竟然俾人話我唔過二十，都唔知開心定唔開心好...
aulina: 出咗啦, 一早知呢本書. 佢話係讀緊大學嘅小妹妹呀...
cosmicrays: 有時同啲無聊人嗲一輪都幾好笑.
Din: 我無讚自己, 我講事實啫. 你唔抵得無計... :P
cr: hahah!
echo: 好好嘅週末娛樂也.
tessa: 未過二十... wow!!
LDD- 有講過咩? 邊個導演似小妹妹?
uncle ray: 你咪睬佢啦, 佢話我似麥當雄, 你信唔信吖??? 佢一陣又話我似呢個, 一陣又似果個, 佢傻架!
你同taxi佬講，你係做保險，問佢有無package啱，佢即刻收聲。
Post a Comment