週末本打算買兩件心頭好: 相機及ipod touch. 然後身在時代廣場LC時便想起是時候補給eye concealer, 於是想起早前好些網友都推介YSL的Touché Éclat, 便到櫃位選購.人來人往的週末, 本應可以買完Touché Éclat便走人, 不過因為要問一問sales... 怎知不但被她說服買了兩支不同色度的Touché Éclat, 還有其他...
當說到這支巴閉Touché Éclat時, 她說: "係呀, 我地最出名呢支, 全球每秒賣出XX支"(我忘記了她說的實數) 真誇張! 直成廣告slogan呀!
當我說: "咁每個色一支啦... "時, 她以九秒九時速撲去拿了下面(左)這支Hydra Feel給我, 解說它怎樣補濕, 又說見我瞼有點乾... 最弊是, 價錢真的不昂貴. 於是我又屈服了.
正當我拿出銀包時, 她又以八秒八撲了去拿計數機, 說我還差一點點便可以拿個永久九折VIP咭... 我立即說: "唔好啦, 我已經失手啦今日, 你咪咁樣啦... " "真係好少咋... 你睇吓有咩買吖, 九折喎以後... "
唉, 女人的說服力之強及拒絕被人說服之弱有時實在令人嘆為觀止. 於是不到兩秒我已跟隨她去找一件可以"砌夠數"的化妝品... "眉筆啦咁" 其實我好像十年沒有用眉筆, 為乜無拿拿話要眉筆?! "你都要真係有用先好喎... "(算佢仲有人性!) "我見你條眉... 都唔洗點用眉筆... " "咁眼線筆呢?"(忽然忘記上個月在日本才買了Majolica Majorca一黑一白的眼線筆)
最後, 靈機一觸, "咁pressed powder啦!" "你要嚟補妝?" "係... "
Deal.
就是這樣, 原本只需一兩支Touché Éclat, 應該可以六百元以內便走人, 結果要消費$1200多... 不過這個價錢有四件, 還要是YSL, 又的確化算...
女人的錢永遠都易賺. 多謝她那句: "每秒鐘賣... 支"(仲有:"碧咸老婆Victoria都用!")和眾多sales都喜歡說的: "差少少咋小姐!"
*是日大出血, 叫自己這數個月請勿再購物... 除了原本打算買的兩件durable goods外, 還有YSL這堆... 和一件LC大減價的top... 不過$550咋, 超抵! 有時真的很明白為什麼壓力大的人喜歡購物...
19 comments:
找數果陣你就知。XD
試左未? 有無介紹錯？
我買YSL的Touché Éclat果陣, 個sales姐姓又係咁講﹗哈哈... 家陣用緊第3支...女人就係咁容易中招.
喂, YSL hydra feel條LINE唔錯﹗隻MASK先正﹗你下次先試啦.....
btw,仲有幾個item想推介，但睇黎你出左一輪血, 又有咁鬼死多存貨, 你用得七七八八先問我...
pressed powder好唔好用? 我有個女仔friend用ysl既foundation, 佢話好正...
我都係好中意touche eclat同埋個hydra feel個gel架～不過我都係覺得touche eclat 2號色啱我多啲。=)
Just like me going into a CD store.
Must get something from it each time or don't feel comfortable.
aulina: 未找數都知啦... :)
Bear: 用咗兩日, 唔知係咪未慣, 好似唔夠bobbi brown color corrector效果咁好... 試多幾日先. 個hydra feel又的確幾好. pressed powder 未有耐用, 用緊covermark未用完, 或者過一兩個月先.
cr: 我都係用2號色, 不過3號色可以遮dark啲位. 再用2.
uncle ray: 人人都總有死穴... :)
反而我想知你買左邊部相機呀? hahaha
咁呢支touch eclat點好呢?
虎茶: 無, 普通傻瓜DC啫: canon ixus 950. 800萬像. 支Touché Éclat照用囉... 如果都係鍾意用番bobbi brown, 咪用佢嚟下午補妝囉... 或遮其他瑕疵.
哈，唔通又證明咗好多人話好嘅唔一定就啱自己心水？
但係女人就係咁架喇，明明自己用緊嘅已經幾好，但又心思思想搵下仲有無好d嘅。一聽到人地講邊隻邊隻好又會去試囉。
閒趣: exactly!!! 明明自己用緊果隻幾好都心郁郁試其他品牌. :)
哈哈! 完全明白, 完全明白!
愛美: :)
No worry! You are so rich, ar Dai!
^~
Din: larn返嚟啦終於? 有無攪出人命呀???
"chiu" ~~~~~~
hey...then at the end which is better? YSL or Clarins concealer?
As usual I will follow your tips to buy comestic products :p
想行街買唔到野？揾我就至啱！我一定會幫人諗到好多理由唔好買，所以無限嫂唔鍾意同我行街，因為會必定食白果！
MC~
Din: 超乜呀超?
kajie: clarins支instant light touch補妝一流, 夠濕又易推. 朝早化妝好似bobbi brown最啱我... YSL好似兩隻色都同我唔係perfect match... =__= ha.
mugen c: 所以我好憎shopping "lung"個男人囉... 鍾意自己買嘢多, 女性友人都少搵.
D sales 姊姊真係好鬼癡纏，唔識say no 好易賴野，不過化妝品實用得著geh。:)
我都用緊bobbi brown, ysl定BB好呀？
cosmicrays: 宜家評論或尚早... 不過暫時好似bb啱我多啲...
Post a Comment