我懶.間屋話咗執卻又執極都咁亂.
本應可以化個妝整吓個頭出去食個味美brunch或者行吓街, 卻又唔願郁.
然後午餐變咗老麥嘅雙層芝士孖堡+粟米一兜+7仔維他暖薑荳奶.
有幾篇開咗頭未寫完嘅blog post.
對住電視又上網, 無無聊聊嘥吓時間... 不過時間唔係要嚟嘥架咩?
要理清嘅事有好幾樣又唔多願理.
Cable活得好滋味又介紹New York, 點解我去咗咁多次都仲有咁多嘢睇咁多嘢玩? 不過我覺得始終唔係老外, 好難可以好好享受New York嘅生活. 即使你響果度有份ok嘅工都係咁話.
好攰, 瞓咗八個鐘點解都眼瞓?
點解我咁懶? 我諗我嘅命運或多或少都俾自己嘅懶惰攪成咁...
9 comments:
我有再看一次阿郎的故事了，那個年代的香港電影無得彈！我又發覺有人似Sylvia了，不過放心，不是你，哈！
就系，這個年頭的人對网絡依賴太大了！
何必隨時隨地正經八百一塵不染呢？
好好享受難得的悠閒心情與時間。^^
有得懶係福……我想懶，我都好想懶。
咁你個命運係點? 我看你的文覺得好精彩!
Uncel ray:系羅，距經常又有得玩又有得吃...
而且...........................還有那么多网民捧距場！
anon: sylvia cheung??? :)
cosmicrays: 都唔係偶然, 我係日日都咁鬼懶.
aulina: 福頭個福呀我係...
uncle ray: 我條命, 咪死蛇咁囉... 好精彩咩? 成日都坐過山車噃, 唔係人人鍾意玩.
anon: 人生苦短, 仲唔又玩又食咩...
間屋話咗執卻又執極都咁亂.
我都係呀! 執左幾年都係咁亂!
愛美: 沮喪...
我都好鬼死懶，成日都好想清左房中的雜物，但又唔願郁，真係懶到出汁........
Post a Comment