看了兩個星期差點忘了. 看完第一個感覺是, Natalie Portman竟然可以憑它奪最佳女主角... 我一向喜歡她, 且覺得她會演戲, 不過在Black Swan一片中完全不認同這就是影后級的演出.電影, 更令我失望. 竟然有份角逐最佳電影? 今年沒有好片麼?
之前都有人說此片要在電影院看, 看完覺得, 看影碟也無妨.
是驚慄片? 都有點的, 不過笑位也有, 我起碼笑了好幾次...
雖然沒有訪問過專業舞者, 真想知道有多少芭蕾舞團舞者會常常聽著芭蕾舞音樂盒, 還要放在床頭? 粉紅色的女孩睡房... 唔, 或許真的有些芭蕾舞迷會吧, 不過對我來說太戲劇/作狀了.
舞蹈及排練的片段都不吸引, 亦沒有哪一場特別喜歡/深刻. 總括來說有點悶. 或許看過好些芭蕾舞/舞蹈紀錄片, 電影和現實仍有好一段距離.
劇情或許都太令人預料得到, 沒有驚喜.
浪費了演員和故事. 我很喜歡Natalie Portman的, 這齣可能是我最不喜歡她的電影. 導演應該可以做得更好.
唔, 大致是這樣了.
後記: 看的是UA時代, 港島戲院應該最討厭這家的了... 那天前面坐著一對不停說話的母女, 一幕Natalie Portman把足尖鞋放在一個盛滿松香(rosin)的盒子裡然後擦上松香粉. 前面母親大聲說: 嘩, 玻璃呀! 其實松香用途有如用在絃樂上一樣, 有防跣的功能.
12 comments:
我也很喜歡 Portman，卻一直認為她演技平平，這套也不例外。
Black Swan 是有點失望的。B 級片來說算是佳作，但真的不是 best picture 的級數。一開始 Portman 的黑白分身已經說明了一切，和 Mila Kunis 的糾纏也有點造作，都是驚慄片的一般公式。
Darren Aronofsky也不是一個很好的導演: 愛玩花招.
我都唔鐘意這電影，看得比鋼琴教師更辛苦。故事假如不能有感動共鳴就不會投入了。更喜歡" blue valentine " and " rabbit hole" , don't miss them..
最憎看電影遇上喋喋不休的人，要說話不如回家去好了。
Orangutan: 佢一向演技唔算好出眾, 不過真係見到有進步. 或者因為我幾鍾意佢, 特別留意佢, 對佢有期望. 其實佢喺the other boleyn girl真係做得幾好. i love new york都唔錯.
Agnes: 其實我無乜睇過佢嘅作品, 不過The Wrestler好似幾受歡迎. 睇報道講本來齣戲仲多cliche, 好彩有benjamin millepied參與, 如果唔係可能仲難睇!
Anon: 我琴晚都睇咗Blue Valentine, level高過black swan了, 不過睇到有啲沉, 唔算係非常出色. Rabbit Hole係咪都係慘戲呢? 我呢期唔想睇太多sad片... :)
uncle ray: 真係要揀戲院的... 不過有次去AMC睇, 都有一家自由行帶埋個好嘈嘅細路, 真係超離譜!
Blue valentine 故事講真都唔算合理，不過當其中一方情己逝而另一方仍在努力，而又不能面對雙方status 不同的事實，為咗個女死撐都做得幾好。人生都係苦難多啦，沉是正常嘅。rabbit hole 你有信仰唔知點睇，
Anon: Blue Valentine我又覺得好合理呀, 好似之前都聽人講, 睇完唔敢結婚之類. 又有人講好似Revolutionary Road咁. 我今晚或者都會寫篇. BV可以睇睇網友dark coffee呢篇. Rabbit Hole未必有時間睇了, HKIFF呢個weekend開鑼喇. :)
-有時有些少cliches..先可以帶出現實既荒謬..看看果d怪獸父母，就吾會覺得all pink bedroom 有咩咁出奇
-我只係最驚訝 Nina 吾知個阿媽為左生佢give up ballerina 的生捱..呢度係最吾通既地方
-Vincent Cassel 似係最搶戲
-Portman 同 Kunis 都係有D造作，但佢地吾係專業舞者去演呢個專業，我呢門外漢就覺得佢地已經說服到觀眾...
-最後，我覺得Ballet 只係一個專業既題材，套呢個story去任何一個profession都可以
anon: 不過Nina阿媽又的確唔係跳得好top喎好似, 只不過咁啱要生個女先順便放棄事業... Vincent Cassel係幾搶戲.
不是她要音樂盒和粉紅睡房,是她媽轉嫁了自己的意願和想永遠當她小孩般留自己身邊,
anon: 我都明, 不過真係太cliche了...
Post a Comment