1. 一日三場係上限. 好彩今年無一日四場. 總共有三日係一日三場, 有一日返到屋企係完全虛脫. 好似行完一日山咁.
2. 今日有一場, 一早入到去搵到個好位, 正中. 然後一個昂藏七尺哥哥一個大頭坐喺我前一行, 嘩, 乜咁大整蠱... 十個沮喪. 大哥, 我坐先架... 乜你咁. 最後要右移兩個位先掂.
3. 今年無乜騎呢事件. 身旁都無乜奇人... 以前會有文化中心遇著食薯片嘅觀眾, 又或科學館遇到食花生嘅人. 好彩今年都無咁嘅事.
4. 文化中心同City Hall去得最多, 各八場. 去文化中心睇, 始終都最有氣氛. 有幾場係City Hall睇, 都會諗, 如果揀CC而唔係City Hall, 可能會更正.
5. 已經睇咗三十齣, 時間過得好快.
4 comments:
mad dog..
好犀利呀!!你真係忠實戲迷...
我上年都試係英國電影節去睇戲,
自己英文唔好,我睇得好辛苦呢!!
今次電影節好多都無中文字幕,
只好等下先啦!!!
有個問題想問你呀!!
你睇咁多套戲係咪都有朋友陪睇呀??
我好多時都好想自己一個去睇戲,
因為我想睇既戲都無朋友想睇呢!!!
Mag: 近年電影節都係自己睇多, 朋友咁啱同場先約埋去, 唔係咁多人一樣taste又有時間喇. :)
同樣此文將於明晚9:30刊出:http://www.hkifflink.net/2009/04/18/3500/
thanks Laurex!!!
Post a Comment