七友飲茶

是日未來高官請客, 答謝大家為她的婚禮幫忙, 其實我等閒人沒做什麼, 來呃飲呃食也. :) 幸而新娘對我那些不請自來的snapshots非常滿意(更大讚非常pro! :P), 總算出了一丁點力. Haha!

一對新人渡蜜月回來便和我們吃飯, 認真錫哂我地.

席間又是說個不停. 除了大談婚禮當天的情況, 還有他們的蜜月旅行. 然後有人提到週末一起去看"He's Just Not That Into You". 太好了, 這類電影要一堆女人一起去看才好看.

上次"婚禮"那篇, "沉默賢人"留了一段說話, 大家都嘩然, 第一次見她在這裡用這個筆名留這麼一大段! 史無前例嘛! 可想而知未來高官和她的感情是多麼深厚. 她更親手造了一張婚禮賀卡贈予新人. 從未有人收過這種禮物啊!!! 大細超! :P 有人七月成親, 立即問: 我會唔會有架? 哈... 姐姐, 自己畫啦! hahahah! :) 至多我喺度送篇文賀你大日子喇.

上星期我們都收到"老闆"寄出的數張相片, 都是婚禮當天拍的, 很貼心. 保險界女強人說: 幾有heart吖你睇...

我: 嘩我影咗182張相, 點哂俾你地呀. 182張喎, 唔係我仲有heart咩? :)

臨走時, "老闆"拿了一大疊CD出來, 都是一些電影啦...

我問: 嘩! 有咩正嘢?

老闆: 唔啱你喇...

頂, 幾衰! 咩唔啱我呀, 好彩望吓啫! 即時搶到齣"27 Dresses". 其他仲有"Vicky Cristina Barcelona", 咩唔啱我呀!!! 頂...

又大細超呀, 唔高興呀宜家! :(

有人竟然要我星期六交貨, 大佬, 咁忙電影節, 邊有時間三日內睇完?! 哼!