宜家成日講緊咩彈性中英文教學, 聽到都煩. 由得啲學校自己定得唔得?我地嗰個年代都係咁架啦, 宜家越攪越煩, 又唔見新一代中英文比我地好, 好心啦...
我讀咗十五年女校, 修女英文學校, 不如又講吓當年點彈性法.
(其實今日都唔係好得閒, 不過越有嘢做就越想寫blog... 頂... )
小學時基本上大部份都係中文, 除英文堂外. 不過好多英文書睇. 亦有外籍老師教英文. 不過數學及科學都用中文教.
中學則差不多完全英文, 體育堂都係, 因為老外教. 偶有港人老師則用廣東話. 中一初時唔多習慣數學用英文, 本身數學又差, 所以都有啲難度. 中三時幸得良師惜心指導再有好轉.
然後又玩"English Speaking System", 連小息轉堂, 總之在校舍內都要全英語, 中一二時實行得最狠. 嗰陣又鵪鶉, 都真係唔敢講廣東話. 其餘家政堂, phy chem bio乜都英文... 不過好多老師啲spoken English都好駭人(尤其教bio嗰位師奶... 仲有physics個阿sir... )... 好彩後來有機會去美國執執, 又多睇外國新聞/電視/電影, 唔係都俾佢地累死... 另外我地又有英國文學啦, 都有用. Form 1已經有學吓啲咩old English. 不過比起其他都係band one嘅學校, 我校啲英文好一般... 人地女校HKCEE全級差不多唔係A就B, 我地??? Science班一大蘿D英文都返到Form 6, 你都咪話唔駭人!
好啦, 一陣講多錯多... :)
8 comments:
我反而發覺用英文學數學容易明好多。XD
唉~政府搞到個教育制度一镬粥咁,做教師的又大壓力..
我反而覺得老師質數係好緊要，我知道宜家d老師水平好低(我有d朋友教書的)，不過講真，係呢個年代，叻既人都未必肯做老師...
你咁厲害，比我話下你，便寫了三篇文 ；>
同意同意，應該由學校自己揀
以前讀私立小學，雖然話係英文小學
但課堂好多時都係用中文上﹐不過課本就係英文
咁樣學其實英文都學得唔錯呀
到左中學都係一樣﹐直到中四五先轉全英文
但情況同你一樣﹐有D老師的英文真係非常嚇人
但係好好彩教英文的老師非常有料
所以中四五﹐兩年間真係得益不少
我覺得大家都要清楚 learn english 同 learn in english係兩回事
learn in english 唔等於係 learn english
cr: 小學時用中文架嘛Maths. 所以F.1時係好唔慣.
karelian: 係越來越衰. 不過啲老師又係越來越慘.
tessa: 係架, 老師質素好緊要. 唔係咁多為人師表真係有咁嘅心囉.
uncle ray: 犀利哩... :) haha!
sammi: 我小學都係私校兼英文呀, 都覺得小學時英文教得好好, 中學(一條龍)反而攪多咗嘢卻唔覺得英文教得特別好.
純英校連PE, RE都要用英語，使唔使呀？
中一收生要全港英語成績頭40%佔每班八成先可以純英語，痴線。小學英文唔好，唔比人地初中進步架？就咁擺去中文班，咪連進步既空間都扼殺埋？
甚麼混合班？硬性規定一科全英一科全中，咁死板，有咩好處？
又話教育專家，講甚中文班亦會加強英語教授，無聽過語境咩？中文班除左英文就全部都係中文教授，Ｄ學生何來提升英語既學習環境呢？
越搞越禍。越寫越火滾，唔好意思。
cosmicrays: 嘩咁繁複嘅, 不過果啲直升一條龍又點計呢?
Post a Comment