想必大家都有這樣的經驗. 就是乘小巴時遇著那些一對的乘客不肯上車, 只因為車上唯一的兩個座位不是雙連的.
多數都是男女朋友. 不過如果小巴多的是, 我覺得尚可以. 不過只是一程車吧, 又不是乘飛機.
是日乘坐一輛最長也不過是30分鐘車程的小巴, 車上還有兩個分開座位, 兩名廿來歲的女子不肯上車. 我以為她們只是看/上錯車, 不加理會. 然後司機呼叫: 唔該坐埋一齊讓個孖位俾佢地吖.
眼見沒有人站起來, 我很不願意, 邊轉位邊說: 我睇佢地唔係因為無孖位囉... 啲lang妹有無咁無聊呀?!
身旁一女子很有禮貌地對我說: 因為唔坐滿人司機唔會開車... (這個我當然知道了! 還需要說麼? 只是真的想不到她倆真的要求雙連座位才肯上車)
結果是, 我轉了座位後她們真的上車! 吹漲!!!!! X 10!!!!!
最荒謬是, 小巴只有一輛, 她們不上, 是起碼要等十多分鐘. 一程車吧, 不是乘飛機, 也不是一起去死. 低Q能!!!!!
22 comments:
說話又唔係咁講。有冇試過同好朋友去街, 時間晚了大家都要返屋企但又有d依依不捨(或者係兩個女仔非常enjoyable的girl's night呢)?如果咁啱大家同路可以搭同一架車返屋企, 多一個車程(即使係30分鐘都好)嘅時間可以傾多一陣, 夾硬死要延伸一個享受的晚上多丁丁咁多, 都真係好過冇架! 有d人寧願等多10分鐘都要一齊坐, 你覺得好怪, 或者人地的確有呢個時間去等多架車, 順便傾多10分鐘都好呢...或者你冇呢種經驗, 所以覺得不可理喻吧! 一對好朋友/情侶連搭車都想痴住其實絕對情有可原嚫, 換著係你, 男朋友送你返屋企, 情到濃時你都想痴多佢一陣啦!(或者係我一廂情願的想法吧!) 又或者咁講, 你寧願果對o靚妹上咗車分開坐但係隔住成車人都大大聲傾計丫, 還是係等佢地兩個坐埋一齊密密針呢? 有時我覺得有d嘢予人方便亦是與自己方便, 可必太計較呢? 何況你都識講, 都係30分鐘唧, 除非要你迫住同個有體臭既人坐啦...
不過果陣係12:55pm, 午飯時間囉... 睇佢兩個又唔係les, 我就覺得係低Q能囉. girls night同拍拖痴纏經驗本師奶都試過, 不過我係個considerate又有腦嘅乘客, 係從未試過因為剩餘兩個位唔係雙連而唔肯上車咁低Q能囉... sorry. 唔同generation卦, 大家.
咁我都唔否認有d人的確係低x能死都要坐埋一齊既。Anyway, 我只係覺得這是小事一樁唔需要咁激氣。講完。
(我只係路過此blog。有時深夜我都會搭果種等齊人先開車既小巴, 差不多每次都會遇到你所講果種情況, 所以見到你個post有感而發。祝你好運以為唔使做讓座俾人果個啦!:)
咁我都相信你嘅considerate都足以令你大方地讓座俾人, 等其他乘客唔便等既. 唔同generation的, 又何必同d細既計較呢。
人地唔識諗, 你識諗丫嘛。為d唔識諗既人激氣都無謂啦, 係咪。
These are the same people who can't do anything on their own, like going to the movies or going to the bathroom. Or people who don't walk on the left of a moving escalator. They shouldn't live in a city or shouldn't live at all basically. Human progress is greatly hindered by these people and there is no reason to justify that. The city or the world is too much for them to comprehend. Over time Darwinism or something would take care of them, hopefully.
hahahahaha~唔好為0左0靚妹而勞氣啦!
算啦~唔好咁勞氣啦~
好多情侶都興坐孖位方便打"車輪" 睇開D啦 家陣D Lesbo 好 open 嘅
P.S. 家陣D Lesbo係無樣睇嘅.
哈，講開搭小巴，我上次都預到你個情況，不過END UP真係笑死我。話說我個程車車程不過係10分鐘，個兩個女仔點都唔肯分開坐，所以死都唔上車。呢個司機冇叫人讓位，反而鬧個兩個後生女：無鬼聊，搭程車又唔係搭過世。（已刪好多粗口）跟住司機即刻閂門走~~
呵呵，小巴成日都有奇遇
LCL: u r so right! hahaha! isn't it nice to have readers like u?? :) yeah, i don't understand why ppl have to go to bathroom together!
karelian: 好好笑呀呵, 不過啲留言仲好笑! :)
cr: :)
eeeason: 日光白白, 佢地唔係上嚟打X輪喇. 咪癲啦. 我識睇就係啦. :)
coffee: 鍾意死個司機!!! :)
你是一邊轉位，一邊自言自語的說那一番話，還是大大聲的說呢？
uncle ray: 自言自語得嚟係要俾成車人都差不多聽到嗰隻囉. :)
我就一定唔會掉位!
我覺得人家想一齊坐係佢地既選擇. 佢地又唔係開口叫人讓開俾佢地坐埋一齊, 唔介意花時間等下一班車0者. 只因為怕司機唔肯開車而遷怒佢地,話佢地"低x能"似乎唔係幾尊重人家的選擇權.
事實上, 車上的人想快點開車就應該"自動自覺"調一調位"協調"一下, 大家方便, 不是更和氣更有效率嗎?
要說荒謬, 我覺得一個人上車, 不選一個人位(我指的是雙人位已坐一人的位), 卻偏要坐在無人的雙人位的更荒謬. 反正已知小巴一定坐滿人才開車, 點都會有人坐在旁邊架啦.
有d茶餐廳會貼通告叫兩個人坐"卡位"必須坐埋一邊, 方便繁忙時間人家"搭枱", 唔通又話果d食餐飯20分鐘都要坐埋一齊的人"低x能"?
看來小巴也要貼出這些"溫馨提示"了.
mysimplelife: 舉腳贊成!
kwok: 我又無對住佢兩個當口話佢低Q能, 我寫上自己個blog啫, 你都應該尊重作為blogger嘅寫嘢權囉. "車上的人想快點開車就應該"自動自覺"調一調位"協調"一下" ~ 唔好意思, 我無要求司機快啲開車, 亦唔介意四十年都上唔滿人. 你坐過小巴未架?!?!?!?! 當你一個人上車, 所有單人位都full時, 係咪要坐雙人位呢???? 其他單人上車我又唔識佢, 唔通我要好識做咁叫佢同我坐, 讓雙位俾其他低Q能孖人上嚟坐可以快啲開車?!?!?!?!? 有d茶餐廳會貼通告 ~ 咁佢寫明又無問題呀, 我作為客人可選擇唔幫襯囉. 乜你講嘢好似唔多用腦咁嘅. 你啲語調真係唔多溫馨喇.
kwok: 補充, 茶餐廳example, 低Q能嗰個係間茶餐廳... 同埋或者係... hahahah...
I have been scolded by the minivan driver for not giving up my seat. At that time, the van was quite empty. So I said to him, I have my damn right to choose where I wanted to. I dun see why he has to "say hello to my parents" lor. (That was post 1997 when no one was in a good mood.) Eventually, I threw the coins to him n got off the van. I couldn't take him anymore.
Al: he did "say hello to ur parents"??! wow, so so rude! i did throw coins to driver n got off the van a few times when they r extremely rude and nonsense!
我有次搭小巴，又係淨返最後兩個單丁位，跟住有一對疑似情侶又係想坐孖位，當時個司機都未出聲，有個大瀋就叫左出黎話（好大聲個隻）：我唔同個肥妹坐，你唔好坐埋黎呀!跟住個果肥妹就好串咁坐左係呢個大瀋隔離，仲要話，我都有比錢，我鐘意坐邊就坐邊.....hahaha......真係好鐘意個肥妹仔lor!!!!
up3up4: hahahah! 笑死! 小巴上都好多精彩情景!
Post a Comment