老闆

是日約了七友中的四人飲茶. 星期三是唯一一天"老闆"可以出來見人(晚上十時前). 要見此人真不容易, 生日飯都是十時多才出現.

不知說什麼, 談到去旅行.

話說和老闆去旅行, 是體力及耐力的鍛鍊. 之前一次去福岡旅遊, 沒有她的份兒, 我們四人是的士來的士去的. 去年和她去名古屋... 慘了, 拖著行李搭地鐵, 還要拖行七十多級樓梯!

"我都未試過去旅行去到頭暈架, 辛苦到要撲返酒店透嘅你話啦... " 我說.

"你俾佢講足廿年架!" 保險界女強人對老闆說, 有什麼痛腳, 都可以給我說廿年! :) 哈, 唔係你估.

大佬, 小姐嚟架嘛我地, 咁行法, 命都短幾年!

荒謬是, 老闆身家豐厚. 不過做生意的人總是這樣, 像我這些打工仔, 咪成鬼日大快活, 的來的去囉.

提議去旅遊, 我說: 要舒舒服服架喎, 即係呢... 如果行得太辛苦, 你地繼續行, 我可以自己返酒店嗰種呢... :)

是日飲茶地點最近我(有同區人忽然來不了), 其餘四人都從其他地方來(的士或地鐵). 沉默賢人比較遠, 要早走, 問: 呢度打的最近邊度呢?

我: 酒店啦.

老闆: (死性不改) 呀, 可以先坐的士去下一個地鐵站再轉... 可能...

未說完已被我鬧!

我: 好心啦! 我地無人咁辛苦架, (手勢示意沉默賢人離去)走啦XXX! 仲轉地鐵...

然後我又說到蝴蝶和蜜蜂的故事. "咁辛苦做咩, 都唔知有幾多日子... "

後記: 今天老闆拿了當年她出國後(她是我們多人之中最早出國的一個, 時為中四下學期)我寫給她的信件一小袋! 那是八/九年間的信件, 由中四寫到我大學畢業! 非常非常珍貴呀! 看看有哪些可以放上來分享... :)

頭箍 Hairband

長髮想有新意, 有時便要花點心思. 偶然看見街上的長髮美女都喜歡簡簡單單戴個頭箍, 效果可以非常出眾且不太刻意.

頭箍有平有貴, 去H&M找找, $29便有一個不錯的了. 那天路經買了兩個, 不過暫時還未嘗試戴上街.

在網上搜尋一下倒不難找到吸引的hairband style. 看來短髮的效果更特別!

Tasha Double Chain Headband

Blackband

Eugenia Kim Multi-Strap Headband

Double Braided Headwrap

images from: thisnext.com and Eva's Beauty Blog

一人一句

人家一人一句在twitter寫歌劇. 可不可能在blog上寫一篇?

我來開始:

三十三度高溫下的星期一.

請續(留意前一位留言的句子續下去).

Untitled

Perhaps when we find ourselves wanting everything, it is because we are dangerously close to wanting nothing. ~ Sylvia Plath (brainyquote)

Five Toys

又是Facebook的LivingSocial, five toys that most remind you of your childhood, 我揀了:

Plush Snoopy ~ 老豆買俾我嗰隻宜家都仲喺度!
Patch Cabbage ~ 又係老豆買, 仲喺度!
Hello Kitty ~ 小學考試考得好, 要阿媽送舊擦膠我... 嗰時六個幾一舊架好似...
Little Twin Stars ~ 食物盒!
Barbie ~ 好似中學時親戚送

Natalie Portman

我都知我懶, 一題幾寫式的競猜遊戲系列. :) 不過周末就是應該輕輕鬆鬆嘛.

Natalie Portman可說是我最喜歡的荷李活女星了. 名符其實的智慧與美貌並重的演員.

五幅劇照, 有些非常明顯, 有些則要想想了, 其實當中也有些我未看過的.

閒話

1. 約七友生日飯及午飯, 可以連續幾day不停email加電話都未攪掂. 你話女人係咪麻鬼煩? 有人第一次主動訂枱, book咗12:30pm, 我話XXX食1pm架, 咁早呀? 佢話約一點又有人點三先出現... 一陣又話趕住走人, 可能午飯要分兩輪喇... :) 笑死. okok, 我即使唔係12:30pm抵達, 一定唔會早走.

2. 美國夏威夷有條好好嘅新法例, 就係有體臭唔俾上巴士! 太好喇, 香港都應該要立法! 最好所有公共交通工具都要包括埋, 仲有係戲院!!! 上次前面坐咗個狐霸, 要全程用tissue掩鼻, 慘絕人寰!

3. Kelly被人話借肚生仔, 我都覺得似係. 雖然真係好多人大肚身型依然窈窕, 生完都係咁瘦, 不過佢幾個月都去人地concert做嘉賓, 又拍廣告, high heels照著, 樣無變... 好難叫人唔懷疑囉. 聽佢答記者嘅語氣, 可能bb都唔係佢自己湊添.

4. 楊小姐出嫁, 其實真係唔洗交代太多, 有時越描越黑. 佢話: 佢(丁)真係唔係大家講到咁嘅. 無辦法, 俾人起哂底, 月入兩萬(乜雲地利道會有萬幾蚊咁平嘅樓租咩? 500尺嗰隻?)無物業, 娶個有錢女人... 有時係唔公平架... 女人嫁有錢男人又俾人話, 有錢女人嫁窮人個窮人又俾人話. 所以最好就乜都唔好講. :) 呀, 仲有, 有鑽石界專業朋友話, 嗰隻戒指頂多得卡幾, 兩卡都無, 娛樂版竟然話有三卡, 傻架.

5. 我諗楊丁同黎樂都要多謝劉大哥, 唔係佢嗰單咁大鑊, 佢地都要上頭條.

6. 是日好八咁. :P

Four Word Film Review

偶然看了自己的舊文, 發現了這個(常常忘了自己post什麼)四字影評. 拿幾齣近來看過的.

Away We Go ~ Pre-natal road-trip of discovery.

Sunshine Cleaning ~ Biohazard cleaning, bloody profitable.

Public Enemies ~ Gable's ending inspires Dillinger.

Inglourious Basterds ~ Tarantino does WWII.

東邪中毒也有! (1994) ~ Gobi go-between, between memories.

花樣年華也有! ~ Love affair goes Wong.

Scarlett Johansson

近年來較喜歡的年輕荷李活女星, Scarlett Johansson一定有份. 覺得她可塑性高, 從1998年的"The Horse Whisperer"到2009年的"He's Just Not That Into You", 她演繹的角色都很不同, 也勝任.

廣告方面, 除了曾經出現於LV外, 現在年輕一點的Mango也找她. 可看看Mango網站.

這四齣較難猜了. 你又猜到嗎?

弱者 or 強者

"自古多癡情女、薄情郎. 但女人未必都是弱者, 有的女人是用軟弱武裝起來的強者." ~ 周國平.

眼睛

"眼睛是愛情的器官, 其主要功能是顧盼和失眠." ~ 周國平.

於我來說, 這數星期, 眼睛除了用來工作和看電影外, 原來也是失眠.

總有未做完的事情

這樣看來, 便不需再有"死唔眼閉"的想法了. :) 都是來自周國平在"永恆之女性"一書上的(永遠未完成):

"回首往事, 多少事想做而未做. 瞻望前程, 還有多少事準備做. 未完成是人生的常態, 也是一種積極的心態. 如果一個人感覺到活在世上已經無事可做, 他的人生恐怕就要打上句號了... ..."

"只要我們認識到人生中的事情是永遠做不完的, 無論死亡何時到來, 人生永遠未完成, 那麼, 我們就會在生命的任何階段上與死亡達成和解, 在積極進取的同時也保持著超脫的心境."

又失眠時...

三天內第二次失眠, 可能又破了這輩子的紀錄. 頂...

這回沒有拿iPod出來了, 拿了本書看看. 是去年買的"永恆之女性". (之前都有兩次在這裡提起: "青春不能錯過什麼"和"眼淚")

其實本來己作病, 卻依然失眠. 剛吃了藥, 在床上呆了個多小時也睡不著. 不如抄點周國平的文字上來分享.

愛與孤獨

"孤獨源於愛, 無愛的人不會孤獨."

"獨身的最大弊病是孤獨, 乃至在孤獨中死去. 可是, 孤獨既是一種痛苦, 也是一種享受, 而再好的婚姻也不能完全免除孤獨的痛苦, 卻多少會損害孤獨的享受. 至於死, 任何親人的在場都不能阻擋它的必然到來, 而且死在本質上總是孤獨的." ~ 對. 所以人人基本上都是孤獨終老的. 無分你我.

"未經失戀的人不懂愛情, 未曾失意的人不懂人生."

下文繼續...

女演員語錄

繼續競猜遊戲. 都是女演員說的話:

"I once read that in any good marriage, one partner is the gardener and the other is the garden. We take it in turns to be either."

"What's the point of doing something good if nobody's watching."

"I'm looking for the truth. The audience doesn't come to see you, they come to see themselves."

Julianne Moore

不算Julianne Moore的粉絲, 不過卻看了許多她主演的電影, 的確是演技派一名. 她擔演的角色都不是一般的女人. 不是有點神經質, 便是有自殺傾向的女人. 或許是她那雙令人撲朔迷離的眼睛吧.

貼上四張劇照, 單憑相片, 你猜到是哪四齣電影嗎?
最喜歡最後這齣, 還買了兩隻影碟, 一隻寄了給友人作禮物. 第一齣也喜歡. 第三齣我竟然買了OST也買了書, 不過看/聽得人太沮喪, 最終都被擱在一旁.