Pages

Thursday, September 20, 2007

©Nataliedee.com

喜歡仁慈的的士司機, 尤其是當我先截了, 有另一位乘客想捷足先登, 而司機卻堅持只載我!

昨天在辦公室竟然無端端左腳的斗令踭踏在右腳腳背上, 痛死! 晚上上跳舞課時也覺得腳背痛, 原來瘀了一大片!

有人很怕搭飛機, 卻偏偏喜歡看Nat Geo的Air Crash Investigation. 看還看, 請不要告訴我哪個機場有問題... 尤其是我將會去的地方... =__="

不再需要token也可在家check公司email及網絡, 許多事情及好消息都可以更早知道, 正!

下星期會吃兩次buffet, 這星期要吃少一點了!

鄰家搬來了一家印度人多時, 不時都會播放印度音樂, 每次聽到我都留心細聽, 發覺我越來越喜歡印度音樂!

星期六book了去剪頭髮, 不知道需不需要補電頭頂的負離子呢? Treatment應該要做了. 雖然花費不菲, 但上一次去整頭髮是二月的事了!

七友中有人將會讀LLB, 怎麼認識那麼多朋友都會去讀法律? 我是從來都沒有考慮過. 即使他日有心想再進修, 法律一定不會是我想讀的. 身邊的人都想讀, 說懂法律便可以更惡, 更懂和別人爭論. 唉, 咪攪我. 這星期看了一封律師信及電郵, 港大畢業的, 竟然有幾個錯字給我發現了... 我說, 若果一封專業的律師信連我的英文(一定沒有律師那麼掂吧)也看穿其錯處, 他/她的英文真的不太掂!

昨天看看本月的blog產量, 只有34篇, 可能又再破近月以來的新低. 讀者流量沒有下跌, 反而升了. 所以我也不理會了. 希望不會悶透大家... 下個月應該更少, 因為我放大假!

今早乘的的士, 司機一直在播他的自選音樂, 都是N年前的金曲, 不過都很不錯. 多首國語的, 令人心情也好起來. 其中一首有點像鄧麗君, 但又好像不似... 忘了歌名.

20 comments:

Anonymous said...

"左腳的斗令踭踏在右腳腳背上"...咳咳...um...請問咁高難度嘅動作係點發生嘅呢?翹腳坐然後企起身?

去邊處放懶呀?

Anonymous said...

cosmicrays: 哈, 我都覺得極高難度... exactly, 應該就係"翹腳坐然後企起身"想去另一張枱時發生! 癲咗. 痛到叫! 去邊? 到時話你知! :)

Anonymous said...

我前天在辦事處門外的走廊摔了一大跤。不要問我為什麼摔跤,我也不知道。近幾年,每年都會摔一次,覺得自己好像越來越滑稽了。

嗚,MD下月放假,我要掛念你了。

Anonymous said...

閒趣: 摔跤? 哎喲, 有無流血??? 我可能跳慣舞, 平衡力算幾好, touch wood, 好少會摔跤. 撞親就成日都會. 你會miss我嗎? thank you! :) 幾日寫唔到架啫. :)

Anonymous said...

上月在日本回來那程,快將降落香港機場的那幾分鐘,窗外閃電閃得厲害,飛機明顯急墮了幾次(是下墮,不同於平時遇到氣流那樣)。機上很多小孩叫喊起來,小兒子摟著我說:媽咪,我好驚呀!

其實,那一刻我自己都驚,覺得那幾分鐘很難捱。著陸後,很多人馬上拍手歡呼。

Anonymous said...

我以前只在下雪時摔過兩次。這幾年都不知發生甚麼事,每年都摔一大跤。人家問我,你練太極不是應該平衡力較好的嗎?我都不知怎答,反正要摔的時候就逃不了。

沒有流血,不過身體多處地方都跌痛了。

Anonymous said...

睇黎你心情好似幾好...
嘩, 終於放假啦, 打算點去盡情吃喝玩樂呢?
10月係去旅行好日子,有心水未?
enjoy~

Anonymous said...

閒趣: 最驚險一次係坐飛機去馬爾代夫, 氣流勁到急墮幾次, 都係幾百尺果隻, 有乘客喊(唔係小朋友噃), 有人嘔, 有人祈禱... 我阿媽瞓得好冧, 我同家姐嚇到癲, 捉住手一齊祈禱!

Bear: :) ok啦. 你開心啲, 會去邊度honeymoon呀?

Anonymous said...

哇哈哈...你竟然"偷聽"印度音樂...

要是你真的想聽,我幫你安排一下,那就可以光明正大喇~

Anonymous said...

ter: 哈. 一聽到就想跳舞!:) 有乜好介紹?我知中環萬邦行有檔好多印度碟&CD買嘅舖.

Dennis said...

原來有人像我一樣會追睇 Aircrash Investigation...

Anonymous said...

dennis: 人地集集追, 我就有啲驚啦. :)

Anonymous said...

我也覺"左腳的斗令踭踏在右腳腳背上"難度是9.9分,有機會真要麻煩你示範看看.

梁巔巔 said...

印度音樂, 正!

跳 o埋舞, 仲正!

下次我 show 畀你哋睇!

mad dog said...

uncle ray: 係買六合彩中獎嘅機會... 好痛!

Din: 你跳? 咪嚇人...

lu said...

>>Din: 你跳? 咪嚇人...

係囉,LDD,就是你這句"show畀你哋睇!"以後不敢見你! :P

梁巔巔 said...

阿大 & 四妹,

我冇吹水 ga!

mad dog said...

lu: :)

Din: 我無興趣睇囉.

啊澤 said...

文字產量多與少並不代表什麼

最重要是內容




文字產量低的人上

Anonymous said...

嬲記: 多得你捧場. :)