Pages

Tuesday, July 10, 2007

走火警

和網友談起他人生第一次走火警, 說起來, 我的走火警經驗可不少, 大大話應該接近廿次了. 對啊, 做了幾十年人, 走了十多廿次火警, 有點匪夷所思. 都說我人生極度戲劇性.

小時候, 走過多次火警, 或許因為附近有工廠大廈. 最深刻一次是小二時十號風球, 另一幢連接的住宅大廈火警, 連我們的一幢也要逃生, 那時風大雨大, 第一次正式接觸偉大的消防員, 一個消防員叔叔就抱起我, 澗著水跑到安全地方暫避, 到現在仍歷歷在目.

另有一次是小六, 下午班, 早上一個人在家, 母親會一早預備好午餐在電飯煲裡, 我自己弄熱吃飯然後上學. 有一天早上, 鄰居拍門嚷: "火燭呀! 快D走呀!" 那時母親沒有配鎖匙給我, 雖然她上班的地方不太遠, 可步行回家, 但我一個人在家不知怎算好, 便半掩門, 關上鐵閘跑上街, 然後在管理處借電話打給在九龍上班的爸爸, 因為母親教書不是即時可以接到電話. 最後是爸爸再打電話給母親叫她即時回家安慰我. 自此我便有自己一套家門的鎖匙了.

有一次逃生有點驚嚇的, 因為連我們住的那層也冒煙, 跑下樓時母親十分慌張, 還說恐怕會暈倒, 嚇得我們不知所措. 另有一次是晚上, 我睡在床上, 為了不會出洋相, 我竟然有時間穿上一條Levis501才逃亡!

中學時期也試過因為大廈火警, 要停電多天, 兩次要搬往酒店暫住, 因為兩次都是盛夏.

不要以為我離開了香港便不再要面對走火警. 大學第一年住宿舍, 每逢大考, 終日都要走火警, 據說是學生們搗蛋, 既然都不夠時間讀書了, 倒不如"一鑊熟"齊齊"唔洗讀"走火警去! 所以這些攪事fire alarm都是深夜出現, 穿著睡衣都要跑到樓下, 等若干時間待有關人等查出是false alarm後各人才可回宿房, 十分怒人. 雖然大家都知道是false alarm, 但絕對不可不逃生, 因為Resident Assistant(RA)會逐間房敲門, 確保無人留在房內免生危險, 被發現留在房內會被罰款$50USD.

你試過住酒店也要走火警嗎? 我試過兩次! 一次是一個人跟當地團去東岸遊玩(Spring break, 同學朋友都不打算遠行, 而我有點想獨自出走散心), 住在New Jersey(Newark)的萬豪酒店, 也是一個false alarm, 不過火警鐘響時當然走為上著了, 以為真的火警嘛. 那天還是第一晚抵達呢!

另一次是美國Washington DC, 到當地受訓一個月, 一個人住一個月酒店的確不太好玩. 有一晚, 正和男友傾長途電話, 那時應該是凌晨兩點多了, 忽然火警鐘響, 我又要連忙掛線, 跑到街上, 嚇男友一跳, 後來回港後他告訴我, 我上飛機離港那天, 他家的金魚死了一條, 一直不敢告訴我, 所以當知道我要走火警時, 他更憂心忡忡. 最後, 原來又是有人醉酒鬧事, 弄響了火警鐘.

至於不是火警但又要接觸消防員或鄰居的幫忙也有數次. 一次是上班時困在電梯中30-40分鐘, 另一次是中學時, 在家裡的洗手間被反鎖, 要勞煩好鄰居哥哥過來拯救, 瘀到痺! 記得那次兩個姊姊幸災樂禍, 在門外笑掉牙, 我就拿著我的地理書在廁所內邊讀邊去... 當鄰家哥哥成功打開廁所門時, 我尷尬不堪, 連忙跑出廳中, 多謝也不知道有沒有說了.

公司的火警演習我可很少參與, 其實應該要, 起碼萬一有什麼事發生也知道怎樣逃生. 九一一事件後, 大家都比以前更警覺, 有一次在辦公室裡嗅到燒焦物件的味道, 有人又在轉電梯層看到隔鄰大廈冒煙, 大家都四出搜查, 雖然最後又是虛驚一場, 不過期間一極度警覺美藉女同事已拿著手袋跑了上街.

回想起來雖然都一笑至之, 不過都奉勸大家火警鐘響起時切勿掉以輕心, 即使多繁忙也寧願花點時間查個究竟, 火警可大可小.

16 comments:

Anonymous said...

查實我都走過好多次,假嘅多。鬼叫警鐘咁靈敏咩!

我撞車都唔只一次。

梁巔巔 said...

睇嚟妳條命真係忌火喎!

第二, 第四單最危險啊!

"最後是爸爸再打電話給母親叫她即時回家安慰我. 自此我便有自己一套家門的鎖匙了."

! 話說上星期五, 第一次火燭後, 個秘書同我講絛電門鑰匙放喺邊度. 話萬一下次有事, 得我一個可以走到. 我嗰日都冇心裝載聽條 key 放喺邊.

嘿, 幾日後, 估唔到真係要用上! 好彩摷到!

"不過都奉勸大家火警鐘響起時切勿掉以輕心, 即使多繁忙也寧願花點時間查個究竟, 火警可大可小."

冇錯! 好多時係因為人掉以輕心先弄至死傷慘重.

Anonymous said...

我話睇嚟妳條命都幾惹火就真!

Anonymous said...

呢D叫惹火!

Anonymous said...

3: touch wood... 撞車無試過. 小意外就有. 俾警察折查(朋友車)或speeding都有.

巔: 好險呀呵? 呀, 我個名無"水"添... :P 你真係要小心!

nikita: :) hahah

五: 惹火又惹貓. 我驚果樣就遇得最多.

Anonymous said...

相士話我五行屬火,欠水。

所以我利你,但你尅我!

notasyouthink said...

哇,妳有這麼多經驗堪稱 No.1 了!
我很久以前就聽說在香港不能放鞭炮,因為房子距離太近了,怕危險。

Anonymous said...

五: 我無相士指點過, 唔知! "所以我利你,但你尅我" --> 哼! 有乜利我先???

muggle: "香港不能放鞭炮"相信都是因為環境太迫了, 在新界地方寬敞還可以的.

梁巔巔 said...

香港嘅 lift 一定有一句咁嘅嘢~ When There Is A Fire, Do Not use The Lift.

哈哈哈~~~

It is too heavy, and, useless.

Anonymous said...

新界俾架咩?

Anonymous said...

3: 我只知道新界人成日都有得放炮將.

Anonymous said...

大概是“火柴人”喔!走到哪火就擦到哪...,太恐怖了﹝驚﹞。

ID 卡應該上個報紙,上面標題斗大字寫”請遠離我十公里,以策安全。”lol

以上,純開玩笑。

Anonymous said...

zhe: 哈, 不過我的確很喜歡海和游泳. :)

Anonymous said...

「我的確很喜歡海和游泳」,那不對!如果你欠火,就不會喜歡水。

我知,你也是雙子,明顯你和我一樣也是屬火,欠水!唔怪得之啦!

咁我冇利你,你又唔尅我啦!

只是我們一起爭資源咁解啫!

mad dog said...

五: 咁快上完堂? 我地熱命人, 應該鍾意水架吓嘛? 唔識.

梁巔巔 said...

呢 oD嘢點解唔問神棍?