Pages

Tuesday, January 30, 2007

七友週末一日遊

說是一日遊, 實情是大部份時間都留在城市裡, 我這群好友, 一個月前約好這天來個outing, 最後真正的outing只為時兩個多小時而已, 其他時間去了哪裡? 讓我來細說一下吧.

首先我這些"晏晝人"最怕晨早起行, 且各人也想多睡一點, 於是早上十一時多十二時先在中環飲茶午飯, 訂了桌在怡和大廈地庫的潮江春, 吃至下午近二時. 是晚本決定到石澳燒烤, 不知是欠缺溝通抑或什麼, 吃飯時七嘴八舌地說喉嚨有些少不適, 又或從不喜歡BBQ之類, 害得"老闆"特登拿一天假卻換來如此的混亂...

另外"保險界女強人"拿了一大堆理由"放了飛機", 說什麼"好耐唔響香港呀... 琴日發燒, 要叫醫生上酒店房, 幾貴呀! 我病呀... 點行山燒野食喎..." Anyway, 我們都有點不滿, 於午飯時"數落"了她一番. 後來"老闆"說: "唉, 呢D活動呀, 十年攪一次差不多, 唉..." 我來了一條金句: "唉, 鬼咩, 一個掛住湊仔(指九月誕子後再沒有參與我們任何活動的"嬌小靚會計"), 一個掛住瘟仔(保險界女強人)!"

大笑一輪後, 我們終於離開中環, 往大會堂外等往赤柱方向的巴士. 途經油站處下車(見下圖), 然後沿圖中的樓梯級往上走, 開始這天的"一日遊".


未到上圖右方那條往陽明山莊的路前, 三位姐姐飲了太多茶要找洗手間, 害我們另外三人苦等了十多分鐘, 未正式開始已經近三時了. 後來發現整天最鈄的路就是上面這條了, 其餘的都是小兒科.

到了陽明山莊的百佳, 我們好像小學時去秋季旅行一樣, 買了水或寶礦力及朱古力一大堆, 三時多才見到左下圖的牌: "大潭郊野公園". 沿路景色怡人, 多是平路, 經過大潭水塘及大潭篤水塘, 這天十五六度, 有陽光, 很適合郊遊, 沿途都見不少遊人及小孩, 還有許多狗. 公園內也有燒烤爐, 不過山長水遠, 有誰會搬食物及燒烤用品進去呢?



路程其實十分短, 四時多已完成這個"一日遊", 眾說紛紜, 有人(如我)提議去看"Babel"(巴別塔), 有人(K后"會計公僕")提議去唱K. 於是有人說: "佢飲緊茶果陣已經諗住唱K架啦!" 我無所謂, 一直以為這天整天都親親大自然嘛, 竟然下午已去唱K...

下午四時多, 銅鑼灣CEO Neway.

手快有手慢無, 下面是唱了廿分鐘後的"已選歌曲", 第七及第九首當然是我獨唱的"首本名曲"了:

本人唱明哥的"維納斯"時, 有人輪流去洗手間, 有人不停評頭論足明哥的衣著化妝... :(

晚上七時多離開K房, 往九龍城吃火鍋去(BBQ取消了), 詳情下回分解.

6 comments:

Anonymous said...

Wah, 你地真係好精力, 在港島行左一日, 仲特登一班人由銅鑼灣走到九龍城食火鍋.

mad dog said...

梗係唔係啦, 咁晏先出發, 行果個零鐘就返回城市. 去九龍城因為有人提議, 且"保險人"響對面海, 如果我地留響港島佢實唔肯出黎晚飯.

Anonymous said...

"公園內也有燒烤爐, 不過山長水遠, 有誰會搬食物及燒烤用品進去呢?"

有 ga! 不過要一早囉~ 感覺好正 ga!

"未到上圖右方那條往陽明山莊的路前, 三位姐姐飲了太多茶要找洗手間, 害我們另外三人苦等了十多分鐘, 未正式開始已經近三時了."

"到了陽明山莊的百佳, 我們好像小學時去秋季旅行一樣, 買了水或寶礦力及朱古力一大堆"

"一直以為這天整天都親親大自然嘛, 竟然下午已去唱K.."

妳 o地七友都幾.... 神化 ga o番! :P

"到了陽明山莊的百佳, 我們好像小學時去秋季旅行一樣, 買了水或寶礦力及朱古力一大堆"

哈哈~ 呢度好溫馨好得意~

Anonymous said...

LDD: 不過果日D爐全部都無人用既. "神化"哈, 我地成日都咁話我地自己架! 溫馨得意? 都幾架, 其實果日又真係幾開心既.

Samuel said...

唱K既時候, 如果有人係我唱緊時去洗手間,
我會覺得好尷尬, 係我唱得難聽? 還是我的選歌品味同佢地唔同呢...

Anonymous said...

我班friend識左廿年(有多), 好熟, 佢地特登走黎走去玩下唧. 擺明因為明哥唔啱feel.